ރާއްޖޭގައި ކޮވިޑް-19ށް އިތުރު 17 މީހަކު ޕޮޒިޓިވްވެއްޖެ އެވެ.
ހެލްތް ޕްރޮޓެކްޝަން އެޖެންސީ (އެޗްޕީއޭ) އިން ކޮށްފައިވާ ޓްވީޓެއްގައި ބުނީ، ބުރާސްފަތި ދުވަހު ޕޮޒިޓިވްވި މީހުންގެ ތެރޭގައި ހިމެނެނީ، ހަތް ދިވެހިންނާއި ބަންގްލަދޭޝްގެ ހަ މީހުންނާއި، އިންޑިއާގެ ތިން މީހުންގެ އިތުރުން ނޭޕާލްގެ އެކަކު ކަމަށެވެ. މި އަދަދާއި އެކު ޕޮޒިޓިވްކޭސްތަކުގެ އަދަދު އުޅެނީ 2137ށް އަރާފައެވެ.
އިތުރު 80 މީހަކު ބަލިން ފަސޭހަވެ ޖުމްލަ އަދަދު ވަނީ 1759ށް އަރާފައެވެ. ބަލިޖެހޭ މީހުންގެ އަދަދު ދަށްވެ އެކްޓިވް ކޭސްތަކުގެ އަދަދު އުޅެނީ 368 ގައެވެ.
