ނ. މާފަރު އިންޓަނޭޝަނަލް އެއަރޕޯޓުގައި ފުރަތަމަ ފަހަރަށް މޯލްޑިވިއަންގެ އޭ321 ފްލައިޓް ޖައްސައިފިއެވެ.

މިއީ އޭ321 ފްލައިޓެއް މާފަރު އެއަރޕޯޓުގައި ޖެއްސި ފުރަތަމަ ފަހަރެވެެ.

މޯލްޑިވިއަންއިން ބުނީ އަންގާރަ ދުވަހު ކަރަންޓީނަށްދާ 380 މީހުން އުފުލުމުގައި އޭ321 ގެ ފްލައިޓް މާފަރު އެއާޕޯޓަށް ޖައްސާފައިވާކަމަށެވެ. އެގޮތުން ފުރަތަމަ ފްލައިޓްގައި 200 މީހުން ވަނީ ގެންގޮސްފައިވާ ކަމަށް މޯލްޑިވިއަންއިން ބުނެއެވެ. އަދި ބާކީ ތިބި 180 މީހުން ގެންދާނެ ކަމަަށް ވެސް މޯލްޑިވިއަންއިން ބުނެއެވެ.

ނ. މާފަރު އިންޓަރނޭޝަނަލް އެއަރޕޯޓަކީ އިންޓަނޭޝަނަލް އޮޕަރޭޝަނަށް ތައްޔާރުވެފައިވާ އެއަރޕޯޓެކެވެ.

ކަރަންޓީންއަށް މީހުން ގެންދިއުމުގެ މޯލްޑިވިއަންއިން ކުރިއަށް ގެންދާއިރު، މިމަހުގެ 13 ވަނަ ދުވަހު މާލެ ސިޓީން ރަށްރަށަށްދާ މީހުން ގެއިން ބޭރަށް ނުނުކުމެވޭ ގޮތަށް "ކޮވިޑް-19 އާއި ގުޅިގެން ފުރަބަންދުގައިވާ ހާލަތުގައި މާލެ ސިޓީން ރަށްރަށަށްދާ މީހުންނާއި ރާއްޖެއިން ބޭރުން އަންނަ މީހުން ގޭގައި ކަރަންޓީނު ވުމުގެ އުސޫލު" ހެލްތް ޕްރޮޓެކްޝަން އެޖެންސީ (އެޗްޕީއޭ) އިން އިސްލާހުކޮށް އާންމުކޮށްފައެވެ.

ރަށުގައި ކަރަންޓީން ވުމަށް ދާ މީހުން 14 ދުވަހު ގޭގައި މަޑުކުރަން ޖެހެއެވެ.