ހޯމަ ދުވަހުން ފެށިގެން ޑެލިވަރީގެ ޚިދުމަތް ދެވޭނީ ރޭގަނޑު ދިހައެއް ޖަހަންދެން ކަމަށް އިކޮނޮމިކް މިނިސްޓްރީން ބުނެފިއެވެ.

އިކޮނޮމިކް މިނިސްޓްރީން އާންމުކޮށްފައިވާ ބަޔާނެއްގައި ބުނީ، ހޯމަ ދުވަހުން ފެށިގެން މާލޭގައި އިއުލާން ކޮށްފައިވާ ލޮކްޑައުނަށް ލުއިތަކެއް ދޭން ނިންމުމާއި ގުޅިގެން، ވިޔަފާރިކުރާ ފަރާތްތަކަށް، ކަސްޓަމަރުންނަށް ހުޅުވާލައިގެން ޚިދުމަތް ދެވޭނެ ގަޑިއަކީ، ހެނދުނު 9:00ން ރޭގަނޑު 9:00ށް ކަމަށެވެ. އަދި ޑެލިވަރީގެ ޚިދުމަތް ދެވޭނެ ގަޑިއަކީ، ހެނދުނު 9:00ން ރޭގަނޑު 10:00ށް ކަމަށް އެ މިނިސްޓްރީން ނެރުނު ބަޔާނުގައި ވަނީ ބުނެފައެވެ.

ކަސްޓަމަރުންނަށް ހުޅުވާލައިގެން ވިޔަފާރިކުރާ ފަރާތްތަކާއި، ޑެލިވަރީ ޚިދުމަތް ފޯރުކޮށްދޭ ހުރިހާ ފަރާތްތަކުންވެސް، އެޗްޕީއޭއިން ކަނޑައަޅާފައިވާ އުސޫލުތަކާއި އެއްގޮތަށް އަމަލުކުރުމަށް އިކޮނޮމިކް މިނިސްޓްރީން ވަނީ އިލްތިމާސް ކޮށްފައެވެ.

މީގެ ކުރިން ޑެލިވަރީ ކުރުމަށް ހުއްދަ ދެމުން އައީ ރޭގަނޑު 11:00 އާ ހަމައަށެވެ.