ކޮވިޑް-19 ފެތުރޭތީ މާލެ ސަރަހައްދުގައި އިއުލާން ކޮށްފައިވާ ލޮކްޑައުންގެ މުއްދަތު ހަމަވި ފަހުން ކުރި ޖޫރިމަނާތައް ސައްހަ ނޫން ކަމަށް ނިންމައިފިއެވެ.

ހުކުރު މާލެ ސަރަހައްދު ލޮކްޑައުންކޮށްފައި އޮތް މުއްދަތު އިތުރުކޮށްފައިވާޢިރު، އިތުރުކުރެވުނީ އެންމެ ފަހުން އިއުލާނުކުރި މުއްދަތު ހަމަވި ފަހުންނެވެ. އެ ދިޔަ ހުސްކަމުގެ ތެރޭގައި ގިނަ ބަޔަކު ޖޫރިމަނާ ކޮށްފައިވާއިރު، މިއީ އެންމެ ރަނގަޅަށް ހިނގައިދިޔަ ކަމެއް ނޫން ކަމަށް ބުނެ ގިނަ ބަޔަކު ވަނީ ނުރުހުން ފާޅުކޮށްފައެވެ. އެގޮތުން، މައްޗަންގޯޅި ދެކުނު ދާއިރާގެ މެމްބަރު ކުރެއްވި ޓުވީޓެއްގައިވާގޮތުން 11 ޖޫންގައި ލޮކްޑައުން ހަމަވި ނަމަވެސް، އެ މުއްދަތު އިތުރުކޮށްފައިނުވާތީ އެވަގުތު ގިނަ ބަޔަކު ހުއްދަ އާއި ނުލައި މަގުމައްޗަށް ނުކުތް ކަމަށާއި އޭގެ ސަބަބުން އެފަރާތްތައް ޖޫރިމަނާކޮށްފައިވާ ކަމަށެވެ. އޭނާ ވަނީ މިއީ ގާނޫނީ ގޮތުން ކުރެވޭނެ ކަމެއްތޯ ސުވާލުއުފައްދަވާފައެވެ.

މެމްބަރުގެ މި ސުވާލަށް ޖަވާބުދެއްވަމުން އެސިސްޓެންޓް ކޮމިޝަނަރ އޮފް ޕޮލިސް ޑރ. އަބްދުﷲ ފައިރޫޝް ވިދާޅުވީ އެ ވަގުތުކޮޅުގައި ކުރެވުނު ޖޫރިމަނާތައް ބާތިލުކުރެވިފައިވާ ކަމަށެވެ.

މާލެ ލޮކްޑައުންކޮށްފައިވަނީ މާލެއިން ކޮވިޑް-19 އަށް ދިވެއްސެއް ޕޮޒިޓިވްވުމާއި ގުޅިގެން އޭޕްރިލް މަހުގެ 15 ވަނަ ދުވަހުއެވެ.

މާލޭގެ ލޮކްޑައުންއަށް ލުއިދޭން ނިންމާފައިވާއިރު، މިގޮތަށް ނިންމާފައިވަނީ ފެންނަ ކޭސްތަކުގެ އަދަދު ތިރިވެ ބަލިން ފަސޭހަވާ މީހުންގެ އަދަދު ގިނަވާން ފެށުމުންނެވެ. ލުއިތަކެއް ދިންނަމަވެސް އަދިވެސް އިތުރު ކޭސްތަކެއް ފެނުމުގެ ބިރު އެބައޮތެވެ.