ކޮވިޑް-19 އާ ގުޅިގެން މާލެ ލޮކްޑައުންކޮށް، ބައިނަލްއަޤުވާމީ ވައިގެ ބަނދަރު ބަންދުކޮށްފައިވާ މި ޙާލަތުގައި އާސަންދަ މެދުވެރިކޮށް އިންޑިއާ އަށާއި ސްރިލަންކާ އަށް ބޭސްފަރުވާ ކުރަން ދެވޭނެ އިންތިޒާމު ހަމަޖެއްސުމަށް އެ ޤައުމުތަކުގެ ސަރުކާރާއެކު މަޝްވަރާ ކުރަން ފަށައިފި އެވެ.
އާދިއްތަ ދުވަހުގެރޭ ނެޝަނަލް އިމަރޖެންސީ އޮޕަރޭޝަން ސެންޓަރ (އެންއީއޯސީ) ގައި ބޭއްވި ނޫސްވެރިންގެ ބައްދަލުވުމުގައި ނޫސްވެރިޔަކު ކުރި ސުވާލަކަށް ޖަވާބު ދެއްވަމުން އެ ސެންޓަރުގެ ތަރުޖަމާނު މުޙައްމަދު މަބްރޫކް އަޒީޒް ވިދާޅުވީ، ރާއްޖެއިން ބޭރަށް ބޭސްފަރުވާ ދާން އެދި އެކި ފަރާތްތަކުން ހުށައަޅާފައިވާ ކަމަށެވެ. އެހެން ކަމުން އިންޑިއާ އާއި ސްރީލަންކާ ސަރުކާރާއެކު މިކަމާއި ގުޅޭ މަޝްވަރާ ކުރަމުން އަންނަ ކަމަށެވެ.
ދެ ޤައުމާއި (އިންޑީއާ، ސްރީލަންކާ) އާއި އެކު މަޝްވަރާ އެބަކުރެވޭ އެ ރޫޓްތައް ބޭނުންކުރެވޭނީ ކިހާވަރަކަށްތޯ އާއި ކިހާ ބައެއްތޯ ގެންދެވޭނީ. އަދި ގެންދިޔުމުގައި ހުރި ޕޮސިބިލިޓީސްތަކަކީ، ކޮން ސިޓީސްތަކެއްތޯ އައިޑެންޓިފައި ކުރުމަށްމުހައްމަދު މަބްރޫކް އަޒީޒް - އެންއީއޯސީގެ ތަރުޖަމާނު
ބޭރުގެ ޤައުމުތަކަށް ބޭސްފަރުވާ ހޯދަން ގެންދިޔުުމާމެދު ސަރުކާރުން މަޝްވަރާކުރަން ފަށާފައި ވާއިރު، އިންޑިއާ އަދި ސްރީލަންކާ އަށް ބޭސް ފަރުވާ ހޯދަން ގިނަ ބަޔަކު މިހާރުވެސް އެބަތިއްބެވެ. އެ މީހުންގެ ތެރެއިން ގިނަ މީހުންނަކީ އާސަންދަ މެދުވެރިކޮށް އެ ޤައުމަށް ދިޔަ މީހުންނެވެ. އިންޑިއާ އަދި ސްރީލަންކާ ލޮކްޑައުން ކުރުމާއި ގުޅިގެން އެ ޤައުމުގައި ތާށިވެފައި ތިބި ދިވެހިން ގެނައުމުގެ މަސައްކަތް ސަރުކާރުން ދަނީ ކުރަމުންނެވެ. އެގޮތުން ގިނަ ޢަދަދެއްގެ ދިވެހިން ވަނީ ރާއްޖެއަށް ގެނެސްފަ އެވެ.
