ގިނަ އަދަދެއްގެ ކާގޯ ހިފައިގެން އިންޑިއާގެ ޗެންނާއީން މޯލްޑިވިއަންގެ އިތުރު ފްލައިޓެއް ރާއްޖެ އަތުވެއްޖެ އެވެ.

6662 ކިލޯގެ ކާގޯ ހިފައިގެން މި ފްލައިޓް ރާއްޖެ އައިސްފައިވަނީ ބުދަ ދުވަހުގެރޭ އެވެ. މިއީ ޗެންނާއީން ކާބޯތަކެތި ހިފައިގެން ރާއްޖެ އައި މޯލްޑިވިއަންގެ ދެވަނަ ފްލައިޓެވެ. މިދިޔަ އެޕްރީލް މަހުގެ 30 ގައި ޗެންނާއީން ކާގޯހިފައިގެން ރާއްޖެ އައި މޯލްޑިވިއަންގެ ފުރަތަމަ ފްލައިޓްގައި 18801 ކިލޯގެ ތަކެތި ވަނީ ގެނެސްފަ އެވެ.

ކޮވިޑް-19 އާއި ގުޅިގެން ގިނަ ގައުމުތަކެއްގެ ބޯޑަރުތައް ބަންދުކޮށް، އުދުހުންތައް ހުއްޓާލާފައިވާ ދަނޑިވަޅެއްގައި މޯލްޑިވިއަނުން އަންނަނީ ކާގޯ ގެނައުމުގެ މަސައްކަތް ކުރަމުންނެވެ. އެގޮތުން މީގެ ކުރިން އެ އެއާލައިނުން ވަނީ ޔޫއޭއީ، ސިންގަޕޫރް، ސްރީލަންކާގެ އަދި ތައިލެންޑްގެ އިތުުރުން އެހެނިހެން ގައުމުތަކުން ކާގޯ ދަތުރުތަކެއް ކޮށްފަ އެވެ.