ކޮވިޑް-19އާ ގުޅިގެން އިންޑިއާ ކަނޑުގެ ގައުމުތަކަށް އެހީވުމަށް ''މިޝަން ސާގަރު''ގެ ނަމުގައި ޚާއްސަ އޮޕަރޭޝަނެއް ފަށައިފިއެވެ.
މިއޮޕްރޭޝަންގެ ދަށުން ދިވެހިރާއްޖެ، މޮރިޝަޝް، މަޑަކަސްގަރާ، ކޮމޮރޯސް އަދި ސީޝެލްސްއަށް ބޭހާއި ކޮވިޑް-19އާ ގުޅިގެން ބޭނުންކުރާ މެޑިކަލް އިކުޕްމެންޓް އަދި ކާނާގެ ބާވަތްތައް ފޯރުކޮށްދޭނެއެވެ.
އެގޮތުން ކޮމޮރޯސް އާއި މޮރިޝަޝްއަށް އިންޑިއާ ޚާއްސަ މެޑިކަލް ޓީމެއް އެދެގައުމުގައި އެހީތެރިވުމަށް މަޑުކުރާނެއެވެ.
މީގެ އިތުރުން ރާއްޖެއަށް 600 ޓަނުގެ ކާބޯތަކެތި ފޯރުކޮށް ދިނުމަށް ވެސް ވަނީ ނިންމާއެވެ. އަދި މޮރިޝަޝްއަށް ފަތްޕިލާވެލީގެ ޚާއްސަ ބޭސްތަކެއް ފޯރުކޮށްދިނުމަށް ނިންމާފައިވެއެވެ. ހައިޑްރޯކްސީކްލޯރޯކިން ޓެބްލެޓް މީގެ ކުރިން ވެސް ވަނީ މޮރިޝަޝް، ސީޝަލްސް އަދި ރާއްޖެއަށް ފޯރުކޮށްދީފައެވެ.
މިޝިޕްމެންޓްގައި މަޑަކަސްގަރާ އަދި ކޮމޮރޯސްއަށް ވެސް މިބޭސް ފޯރުކޮށްދިނުމަށް ނިންމާފައިވެއެވެ.
ކޮވިޑް-19އާ ގުޅިގެން އިންޑިއާއިން ދަނީ އަވައްޓެރި ގިނަ ގައުމުތަކަށް އެކި އެހީތެރިކަން ފޯރުކޮށްދެމުންނެވެ.
