ބޮލީވުޑް ފިލްމީ ތަރި އާލިއާ ބަޓް ބޮލީވުޑަށް ތަޢާރަފު ވެގެން ގޮސްފައިވަނީ "ސްޓޫޑެންޓް އޮފް ދަ އިޔަރ" އިންނެވެ. އެއަށްފަހު ގިނަ ފިލްމުތަކެއް ކުޅެ އާލިއާ ވަނީ ބޮލީވުޑްގައި އެެންމެ ކާމިޔާބު އެއްތަރިއަށް ވެފައެވެ.
އާލިއާ އެކްޓަރަކަށް ވުމުގެ ހުވަފެން ދެކެން ފަށާފައިވަނީ އޭނާގެ އުމުރުން އެންމެ 8 އަހަރުގައެވެ. އާލިއާ އެކްޓަރަކަށް ވާން ބޭނުންވާކަމަށް ބުނެފައިވަނީ އޭނާގެ ބައްޕަ މަހޭޝް ބަޓް އާއި ސޯނީ ރަޒްނާ އާއި އެކު ބައިވެރިވި ރިއަލިޓީ ޝޯއެއްގައެވެ.
"ޖީނާ އިސިކީ ނާމްހޭ" މިޝޯވގެ ހޯސްޓް ސުރޭޝް އޮބްރޯއީ އާލިއާ ބޮޑުވެގެން ކުރަން ބޭނުންވަނީ ކޮންކަމެއްތޯ ސުވާލުކުރުމުން ހިނިތުންވުމާ އެކު ބުނެފައިވަނީ "އެކްޓްރެސް ބަނޯންގީ" އެވެ.
މި ޝޯވގގައި އެނާގެ ދައްތަ ޕޫޖާ ބަޓް އާއި ޝާހީން ބަޓް ވެސް ބައިވެރިވެފައި ވެއެވެ.
އާލިއާ ކުޅެފައިވާ ކާމިޔާބު ފިލްމްތަކަށް ބަލާއިރު ގަލީ ބޯއީ، ހަމްޓީ ޝަރްމާކީ ދުލްހަނިޔާ، ހައިވޭ، ދީއަޔ ޒިންދަގީގެ އިތުރުން ވެސް ގިނަ ފިލްމްތަކެއް ހިމެނެއެވެ.
އާލިއާގރ ކުރިއަށްހުރި ފިލްމުތަކުގެ ތެރޭގައި ބްރަމާސްތްރާ، ތަޚްތު، ގަނޫބާއީ ކަތިއާވަޑީ، ސަޅާކް 2 އަދި ޓްރިޕްލް އާރު ހިމެނެއެވެ،
