ކޮވިޑް-19 ގުޅިގެން ފަތުރުވެރިކަމުގެ ދާއިރާއަށް ސަރުކާރުން ޚާއްޞަކުރި ރިލީފް ޕެކޭޖް ކަނޑައެޅުމުގެ ކުރިން މަޓީއާއެކު މަޝްވަރާ ބައްދަލުވުންތަކެއް ބާއްވާފައިވާކަމަށް އިކޮނޮމިކް މިނިސްޓަރު ފައްޔާޒް އިސްމާއިލް ވިދާޅުވެއްޖެއެވެ.
މޯލްޑިވްސް އެސޯސިއޭޝަން އޮފް ޓޫރިޒަމް އިންޑަސްޓްރީން (މަޓީ) އިން ބުދަ ދުވަހު ނެރެނު ބަޔާނުގައި ބުނެފައިވަނީ، ކޮވިޑް-19ގެ ޙާލަތާއި ގުޅިގެން ފަތުރުވެރިކަމުގެ ދާއިރާއަށް ޚާއްސަކުރި ރިލީފް ޕެކޭޖް ކަނޑައެޅީ އެ ޖަމްޢިއްޔާއާއި މަޝްވަރާކުރުމެއްނެތި ކަމަށާއި، އެޕެކޭޖުން ގިނަ ވިޔަފާރިތަކަށް ފައިދާނުވާނެ ކަމަށެވެ.
އެހެންނަމަވެސް، ބުރާސްފަތި ދުވަހުގެ މެންދުރު ނޭޝަނަލް އިމަރޖެންސީ އޮޕަރޭޝަން ސެންޓަރ (އެންއީއޯސީ) ގައި ބޭއްވި ނޫސްވެރިންގެ ބައްދަލުވުމުގައި މަޓީން ނެރުނު ބަޔާނުގައި ގުޅުވައި ނޫސްވެެރިޔަކު ސުވާލުކުރުން ސަމާސާ ރާގަކަށް މިނިސްޓަރު ވިދާޅުވީ، ޕެކޭޖާއި ބެހޭ ގޮތުން ''މަޓީ ކިޔާ'' ބަޔަކާއި ވާހަކަތަކެއް ދައްކާފައިވާނެ ކަމަށާއި، އެކަމަކު މަޝްވަރާ ނުކުރާ ކަމަށް މަޓީން ބުނުމުން އޭރު ވާހަކަ ދެކެވުނީ ސިފަ ބަދަލުކޮށްގެން ތިބި މަޓީގެ ބޭފުޅުންކަމާއި މެދު ޝައްކު ކަމަށެވެ. އަދި މަޓީގެ ބަޔާން މިނިސްޓަރ ސިފަ ކުރައްވާފައިވަނީ، ސަރުކާރު "ގައިގައި ކޮޅުފައިން ޖެހުން" ފަދަ ޢަމަލެއްގެ ގޮތުގައެވެ.
އިކޮނޮމިކް މިނިސްޓަރު ވިދާޅުވީ، މާލެ ފުރަބަންދު ކުރުމުގެ ކުރިން ތިން ފަހަރެއްގެ މަތިން މަޓީއާ ބައްދަލުކޮށްފައިވާ ކަމަށެވެ. އަދި މަޓީގެ އިތުރުން އެހެނިހެން ބައެއް ފަރާތްތަކާއެކު ރިލީފް ޕެކޭޖް ނެރެން ސަރުކާރުން މަސައްކަތް ކުރަމުންދާ ކަމުގެ މަޢުލޫމާތު ހިއްސާކުރައްވާފައިވާ ކަަމަށެވެ.
މަޓީއާއެކު ބޭއްވުނު ބައްދަލުވުމުގެ ތަފުޞީލު ހާމަކުރައްވަމުން މިނިސްޓަރު ފައްޔާޒް ވިދާޅުވީ، މަޓީން ހުށައެޅީ ތިން ކުއާޓަރ ގައި ކުލި މަޢާފުކޮށް ދިނުމަށް ކަމަށެވެ.
އެ ބޭފުޅުންގެ ތެރެއިން ސަޖެސްޝަން އައީ 8000 ރުފިޔާ ނޫނީ 10،000 ރުފިޔާ ލިބޭ މުވައްޒަފުން މުސާރަ އެއް ގޮތަކަށްވެސް ނުކަނޑާ އޭގެ މަތިން ބައެއް ބޭފުޅުންގެ މުސާރަ ކަނޑާ ގޮތަށް އެކަމަކު އެޕްރީލް މަހުގެ އެއްވެސް މީހެއްގެ މުސާރަ ނުކަނޑާ ގޮތަށް މޭމަހުގައި މި ދެންނެވި ދިހަހާހުން ތިރި ނުވަތަ އަށްހާހުން ތިރީގެ ސީދާ އަދަދަކަށް އެއްބަހެއް ނުވެވޭ. ތިރީގެ ބޭފުޅުންގެ ނުކަނޑާ އެހެން ނަމަވެސް އޭގެ މަތީގެ މުސާރަތައް ކަނޑާ ގޮތަށް. އަދި މޭމަހުވެސް ކަނޑާގޮތަށް ތިންމަސް ދުވަހަށް ބަލާގޮތަށް އޭގެ ބަދަލު ސަރުކާރުން ދެ ކުއަޓަރގެ ކުލި ޑިފާރކުރަންފައްޔާޒް އިސްމާއިލް / އިކޮނޮމިކް މިނިސްޓަރު
މިނިސްޓަރު ވިދާޅުވީ، އެންމެ މުހިންމު ކަމަކީ ވިޔަފާރިއަށް އެހީތެރިވާއިރު މީހުން ވަޒީފާއިން ވަކިނުކުރުން ކަމަށާއި، އެއީ އެންމެ މައިގަނޑު އެއް މަޤުޞަދު ކަމަށެވެ.
