ކަރަންޓީނު ފެސިލިޓީއެއްގެ ގޮތުގައި ބޭނުންކުރަމުންދާ ހެރަތެރަ އައިލެންޑް ރިސޯޓުގައި ކަރަންޓީނުކޮށްފައި ތިއްބާ ފިލި ފަސް މީހުންގެ ތެރެއިން އަނެއް ދެ މީހުންވެސް ހޯދައި، ހައްޔަރު ކޮށްފި އެވެ.
ފުލުހުންގެ މީޑިއާއިން ބުނީ، ބުރާސްފަތި ދުވަހުގެ ފަތިހުގެ ވަގުތެއްގައި، ފިލި ފަސް މީހުގެ ތެރެއިން ދެ މީހަކު ހޯދައި، ހައްޔަރުކޮށްފައިވާ ކަމެވެ. އަނެއް ތިން މީހުން ބުދަ ދުވަހުގެ ރޭ އެކި ވަގުތުތަކުގައި ހޯދައި، ހައްޔަރު ކޮށްފައިވާކަމަށް ފުލުހުންގެ އިދާރާއިން ބުނެއެވެ.
އެ ފަސް މީހުން ފިލާފައިވާކަން ރިޕޯޓުކޮށްފައިވަނީ ބުދަ ދުވަހުގެ އިރު އޮއްސުނުފަހުން ކަމަަށްވެސް ފުލުހުން ބުނެއެވެ.
ރާއްޖޭގައި ޢާންމު ޞިއްޙީ ކުއްލި ނުރައްކަލުގެ ޙާލަތު އިޢުލާނުކޮށް، އެއް ރަށުން އަނެއް ރަށަށް ދިޔުން މަނާކޮށްފައިވާއިރު، ހުއްދަ ނެތި އެއް ރަށުން އަނެއް ރަށަށް ދިޔުމަކީވެސް މަނާ ކަމަކެވެ. އެހެންނަމަވެސް، މިއަމުރާއި ޚިލާފުވާ މީހުން ރިޕޯޓުކުރެވޭ މިންވަރުވަނި އިތުރުވެފައެވެ.
އެފަދަ ފަރާތްތަކުގެ ބަންދުގެ މުއްދަތު ކޯޓަށް ހާޒިރުކޮށްގެން އިތުރުކޮށްފައި ވެސް ވެއެވެ. އަދި އެމައްސަލަތައް ތަޙުޤީޤު ކުރަމުންދާކަމަށް ވެސް ފުލުހުންގެ އިދާރާއިން ބުނެއެވެ.
