ކޮވިޑް-19 އަށް ޕޮޒިޓިވްވި މާބަނޑު މީހާގެ ހާލު ރަނގަޅު ކަމަށާއި، އޭނާ މީހާރު ޓްރީޓޮޕް ހޮސްޕިޓަލަށް ބަދަލުކުރެވިފައިވާ ކަމަށް ހާމަކޮށްފި އެވެ.

ކޮވިޑް-19 އާ ގުޅިގެން އެންއީއޯސީގައި ބޭއްވި ނޫސްވެރިންގެ ބައްދަލުވުމުގައި މަބްރޫކް ވިދާޅުވީ، އެ މީހާ އައިޖީއެމްއެޗްގައި އެޑްމިޓް ކުރެވިފައިވަނީ މީގެ ދެ ދުވަސް ކުރިން ކަމަށާއި ސާމްޕަލް ނެގިފައިވަނީ ރެންޑަމް ސާމްޕްލިންގެ ތެރެއިން ކަމަށެވެ. އަދި އޭނާ ޕޮޒިޓިވް ވެފައިވާކަން އެނގިފައިވަނީ ބުދަ ދުވަހު ކަމަށް މަބްރޫކް ވިދާޅުވި އެވެ.

ރާއްޖެއެމްވީ އަށް މައުލޫމާތު ލިބިފައިވާ ގޮތުގައި، މި ކޭސްއާ ގުޅިގެން އައިޖީއެމްއެޗްގައި މަސައްކަތްކުރާ ނަރުހުންތަކެއް ޓެސްޓުކުރުމަށް ވަނީ ނިންމާފަ އެވެ. މިހާތަނަށް މިއީ ކޮން ކްލަސްޓަރއަކާ ގުޅިގެން ޕޮޒިޓިވްވެފައިވާ ފަރާތެއް ކަމަށް ކަށަވަރުވެފައެއް ނުވެ އެވެ.

ރާއްޖެއިން މިހާތަނަށް 618 މީހަކު ވަނީ ކޮވިޑް-19 އަށް ޕޮޒިޓިވްވެފަ އެވެ. މީގެ ތެރެއިން މިހާތަނަށް 20 މީހެއްގެ ބަލި ފަސޭހަވެގެން ދޫކޮށްލާފައިވާއިރު، އެކްޓިވް ކޭސްތަކުގެ ތެރޭގައި މާބަނޑު ދެ އަންހެނަކު ހިމެނެ އެވެ.