ރައީސް މުޙައްމަދު އަމީންގެ ދަރިކަނބަލުން އައްނަބީލާ އަމީނާ މުޙައްމަދު އަމީން އަވަހާރަވެއްޖެއެވެ.
އެކަމަނާ އަވަހާވަރަވީ އާލާސްކަންފުޅާ އުޅުއްވަނިކޮށް މީގެ ކުޑައިރުކޮޅެއް ކުރިން އަމިއްލަ ގެކޮޅުގައެވެ.
އަމީނާ އަވަހާރަވީ އިރު ދުނިޔޭގައި ފިރިކަލަކާއި، 4 ބޭފުޅުން އެބަތިއްބެވެ. އެ 4 ބޭފުޅުންނަކީ އިބްރާހިމް ފައިސަލް، އަމީން ފައިސަލް، ފަރަހަނާޒް ފައިސަލް އަދި ސުވޭކާރު ޢަބްދުލް ޙަމީދެވެ.
އަމީނާ އަވަހާރަވި އިރު އުމުރުފުޅަކީ 85 އަހަރެވެ.
ރާއްޖޭގެ ރައީސްކަން ކުރެއްވި ބޭފުޅުންގެ ދަރިކަލުންގެ ތެރެއިން، ފުރަތަމަ ފަހަރަށް ރައްޔިތުންގެ މަޖިލީހުގެ މެންބަރުކަން ކުރެއްވީ އަމީނާ މުހައްމަދު ދީދީއެވެ. އެއީ 1985ން 1989 އަށެވެ.
އައްނަބީލާ އަމީނާ މުޙައްމަދަކީ، ފަޟީލަތުއްޝައިޚް މަރްޙޫމް ޙުސައިން ޞަލާޙުއްދީންގެ ދަރިކަނބަލުން، ފާޠިމަތު ސަޢީދުގެ ފަރާތްޕުޅުން ރައީސް މުޙައްމަދު އަމީނަށް ލިބިވަޑައިގެންނެވި 3 ބޭފުޅުންގެ ބޭފުޅުންގެ ތެރެއިން ދުނިޔޭގައި ހުންނެވި އެންމެ ފަހު ބޭފުޅާއެވެ.
