ޖޮބް ސެންޓަރުގެ ޚިދުމަތް ހޯއްދަވާ ފަރާތްތަކަށް ބޭނުންފުޅުވާ މަޢުލޫމާތާއި އެހީތެރިކަން ފޯރުކޮށްދިނުމަށްޓަކައި އެކަމަށް ހާއްސަ ކޯލް ސެންޓަރެއް ގާއިމްކޮށްފި އެވެ.

މިކަމާއި ގުޅިގެން އިކޮނޮމިކް މިނިސްޓްރީން ނެރެފައިވާ ނޫސްބަޔާނުގައި ބުނެފައިވަނީ، މިހާރު ފެތުރެމުންދާ ކޮވިޑް-19 އާ ގުޅިގެން، ވަޒީފާގެ ހާލަތަށް ބަދަލު އައިސްފައިވާ ފަރާތްތަކުން އެކަން ޖޮބް ސެންޓަރުގައި ރިޕޯޓް ކުރުމަށް މީގެކުރިން އަންގާފައިވާނެކަމަށާއި ގިނަ ފަރާތްތަކުން ޖޮބް ސެންޓަރުގައި ރިޕޯޓް ކުރަމުން އަންނަކަމަށެވެ.

ނަމަވެސް އީފާސް އެކައުންޓް ހުޅުވުން ފަދަ ބައެއް ސަބަބުތަކާއެކު، ބައެއް ބޭފުޅުންނަށް ރިޕޯޓް ކުރެއްވުމުގައި އިތުރު އެހީތެރިކަން ބޭނުންވާތީ، އެފަރާތްތަކަށް ފަސޭހަކޮށްދިނުމުގެ ގޮތުން، މަޢުލޫމާތު ހުށަހަޅާ ފޯމެއް ތަައާރަފްކުރެވިފައިވާކަމަށް އިކޮނޮމިކް މިނިސްޓްރީން ވަނީ ބުނެފަ އެވެ.

އެގޮތުން ފޯމު މެދުވެރިކޮށް ރިޕޯޓް ކުރެއްވުމަށް ބޭނުންވާ ފަރާތްތަކުން، ފޯމްފުރުއްވުމަށް ފަހު [email protected] އަށް އީމެއިލް ކޮށްދެއްވުން އެދޭކަމަށް ނޫސްބަޔާނުގައި ވަނީ ބުނެފައެވެ. މިފޯމު ޖޮބް ސެންޓަރގެ ވެބްސައިޓުގެ އިތުރުން އިކޮނޮމިކް މިނިސްޓްރީގެ ވެބްސައިޓުން ޑައުންލޯޑް ކުރެވޭނެ އެވެ.

މީގެ އިތުރުން ޖޮބް ސެންޓަރުގެ ޚިދުމަތް ހޯއްދަވާ ފަރާތްތަކަށް ބޭނުންފުޅުވާ މަޢުލޫމާތާއި އެހީތެރިކަން ފޯރުކޮށްދެއްވުމަށްޓަކައި އެކަމަށް ހާއްސަކޯލް ސެންޓަރެއް ގާއިމުކުރެވިފައިވާކަމަށާއި ޖޮބް ސެންޓަރަށް ރިޕޯޓް ކުރެއްވުމާއި ގުޅޭގޮތުން އެއްވެސް މަޢުލޫމާތެއް ހޯއްދެއްވުމަށް، ކޯލްސެންޓަރުގެ ނަންބަރު 1475 އަށް ގުޅުއްވުމަށް އިކޮނޮމިކް މިނިސްޓްރީން ވަނީ އިލްތިމާސްކުރައްވާފައެވެ.

ކޮންމެ ހަފުތާއެއްގެ އާދީއްތަ ދުވަހުން ބުރާސްފަތިދުވަހުގެ، ހެނދުނު 10:00 ން މެންދުރު ފަހު 3:00 ށް ކޯލް ސެންޓަރ ހުޅުވިފައި ހުންނާނެ އެވެ. ގިނަ އަދަދެއްގެ ފަރާތްތަކެއްގެ މުސާރަ އާއި އިނާޔަތަށް ބަދަލު އައިސްފައިވާއިރު، މިހާތަނަށް