ޕީޕީއެމްގެ ހަޤީޤީ ވެރިޔަކީ، އެ ޕާޓިގެ ރައީސް މައުމޫނު އަބްދުއްޤައްޔޫމް ކަމަށް ރާއްޖެޓީވީން ނެގި ޕޯލްގެ ނަތީޖާއިން ހާމަވެއްޖެ އެވެ.
ޕީޕީއެމްގެ މެމްބަރުކަމުންނާއި، ޕާޓިގެ ރައީސްކަމުން، ރައީސް މައުމޫނު އަބްދުއްޤައްޔޫމް ވަކިކުރެވިފައިވާއިރު، ރާއްޖެޓީވީން ޓުވިޓާރަގައިވަނީ، ރައްޔިތުން ޤަބޫލުކުރާ ގޮތުން ޕީޕީއެމްގެ ހަޤީޤީ ވެރިޔަކީ ކޮބައިތޯ ސުވާލުކޮށް ޕޯލެއް ހުޅުވާލައިފަ އެވެ.
ރާއްޖެޓީވީ ޕޯލަށް ގިނަ ބަޔަކު ވޯޓުދީފައިވާއިރު، ވޯޓުދިން މީހުންގެ 92 އިންސައްތަ ޤަބޫލުކުރަގޮތުގައި ޕީޕީއެމްގެ ވެރިޔަކީ ރައީސް މައުމޫނު އަބްދުއް ޤައްޔޫމް އެވެ. އަދި 8 އިންސައްތަ ޤަބޫލުކުރާގޮތުގައި ޕީޕީއެމްގެ ވެރިޔަކީ ރައީސް އަބްދުﷲ ޔާމީން އެވެ.
Rayyithun gabool kuraa gothun #PPM ge hageegee veriyakee kon beyfulheh?
— RaajjeTVPoll (@RaajjeTVPoll) March 31, 2017
އާންމުން، ޕީޕީއެމްގެ ލީޑަރުގެ ގޮތުގައި ރައީސް މައުމޫނު ގަބޫލުކުރާއިރު، ޕީޕީއެމްގެ ރައީސްކަމުގެ މަޤާމުން ރައީސް މައުމޫނު ވަކިކުރުމަށް ނިންމާފައިވަނީ މުސްތަޝާރު ފެކްޝަންގެ ސުލޫކީ ކޮމެޓީންނެވެ. އަދި ޕީޕީއެމްގެ މެމްބަރުކަމުން ވަކިކޮށް، ޕީޕީއެމްގެ ރައީސްގެ މަޤާމުވެސް ވަނީ ގެއްލުވާލައިފަ އެވެ. އެއަށްފަހު، ރައީސް މައުމޫނު ހިންގަމުންގެންދިޔަ އޮފީސްގެ ތަޅު ހަލާކުކޮށް، އޮފީހުގެ ދިދަ ވަނީ ފުލުހުން ގެންގޮސްފަ އެވެ. އަދި އޮފީހުގެ ނަން ބޯޑުވެސް ވަނީ ފުލުހުން ގެންގޮސްފައެވެ.
ވޯޓުގެ ނަތީޖާ ހާމަވުމުން ރައީސް މައުމޫނު ވަނީ ރާއްޖެޓީވީ ޓްވިޓަރ ޕޮލް އަށް ޓެގް ކުރައްވާ ޝުކުރު އަދާ ކުރައްވާފައެވެ.
@RaajjeTVPoll thank you.
— Maumoon Abdul Gayoom (@maumoonagayoom) April 2, 2017
