އިތުރު ފަރާތްތަކެއްގެ އެހީތެރިކަމާއިއެކު ޑެލިވަރީގެ މަސައްކަތް ކުރިއަށްދާ ކަަމަށް އެންސިސް ފިޝަރީޒުން ބުނެފިއެވެ.

އެންސިސުން ބުނީ މިދަނީ ލިބިފައިވާ ހުރިހާ ޑެލިވަރީތަކެއް ވީހާވެސް އަވަހަށް ފޯރުކޮށްދިނުމަށް ވަރަށް ބުރަކޮށް މަސައްކަތް ކުރަމުންދާ ކަމަށާއި ކޮވިޑް19ގެ މި ދަތި ހާލަތާއި ގުޅިގެން ގްރޭޓަރ މާލޭގެ ސަރަހައްދު ލޮކްޑައުން އަކަށް ދިޔުމާއި ގުޅިގެން މާލެ އަދި ހުޅުމާލޭގައި ކޮންމެ ދުވަހަކު ހެނދުނު 8ން ރޭގަނޑު 11ށް ޑެލިވަރީ ޓީމުތައް ހަރަކާތްތެރިވަމުންދަ ކަމަށެވެ.

އެހެން ނަމަވެސް ވަރަށް ބައިވަރު އޯޑަރު ލިބިފައިވާތީ، ޑެލިވަރީ ކުރުމަށް ދަތިތަކެއް ކުރިމަތިވެފައިވުމުން ޑެލިވަރީ ކުރުމުގެ ޙިދުމަތް ފުޅާކޮށް އިތުރު ފަރާތްތަކެއްގެ އެހީތެރިކަމާއިއެކު އެ މަސައްކަތް ފަށާފައިވާ ކަމަށެވެ. މި މަސައްކަތާއެކު 20 އޭޕްރިލް 2020 ން ފެށިގެން ޑެލިވަރީ ކުރާ ފަރާތްތަކުގެ ބިލުގެ ޖުމްލަ 750ރ އަށްވުރެ ކުޑަވެއްގެނަމަ ޑެލިވަރީ ފީ އެއްގެ ގޮތުގައި 20ރ ނެގުމަށް ނިންމާފައިވާ ކަމަށެވެ.

މިވަގުތު އޯޑަރުތައް ނަގަމުން މިދަނީ ވައިބަރ މެދުވެރިކޮށް ކަަމަށް ވެސް އެންސިސުން ބުނެއެވެ.

ޑެލިވަރީގެ ކަންތައްތައް ކުރަމުން ދަނީ އެންޒީއަށް ޑެލިވަރީތައް ލިބިފައިވާ ތަރުތީބުންކަން ފާހަގަކޮށް އެންޒީން ބުނީ މިފަދަ ވަގުތެއްގައި ލިބިފައިވާ ޑެލިވަރީ ތަކުގެ އަދަދު ގިނަކަމުން ޑެލިވަރީ ލިބުމުގައި ލަސްވެފައިވާތީވެ، ހުރިހާ ކަސްޓަމަރުންގެ ފަރާތުންވެސް ނިހާޔަށް މައާފަށް އެދޭ ކަމަށެވެ..

ހުރިހާ ފަރާތްތަކެއްގެ ސާލާމަތާއި ރައްކާތެރިކަމަށް ވިސްނުމަށްފަހު 19 އޭޕްރިލް 2020ން ފެށިގެން އެންޒީއިން ހަމައެކަނި އޮންލައިން ޕޭމަންޓް ނެގުމަށް ވަނީ ފަށާފައެވެ.