އާދިއްތަ ދުވަހު މާލެ މަގުމައްޗަށް ނިކުމު އުޅުނު 78 މީހަކު ޖޫރިމަނާކޮށްފައިވާކަމަށް ފުލުހުން ބުނެފިއެވެ.
ފުލުހުން ވަނީ އާދިއްތަ ދުވަހުން ރެއިން ފެށިގެން މަގުމައްޗަށް ނިކުމެ އުޅޭ މީހުންނަށް ނަސޭހަތް ދިނުމެއް ނެތި ޖޫރިމަނާ ކުރަމުންދާނެ ކަމަށް ބުނެފަ އެވެ. ޖޫރިމަނާ ކުރަނީ 1000 ރުފިޔާއިންނެވެ. އެއަށްފަހު ގާނޫނުލް އުގޫބާތުގެ 533 މާއްދާގެ ދަށުން ގާނޫނު ހިންގުމަށް ހުރަސް އެޅުމާއި ދައުލަތުގެ އެހެނިހެން މަސައްކަތްތަކަށް ހުރަސް އެޅުމުގެ ކުށުގައި ހައްޔަރު ކުރެވޭނެކަމަށް ފުލުހުން ބުނެފައިވެއެވެ.
މާލެ ލޮކްޑައުން ކޮށްފައިވާއިރު، މާލޭގެ މަގުމަތީގައި އެއްވެސް ޒަރޫރީ ބޭނުމެއްނެތި އުޅޭ މީހުން ދަނީ ގިނަވަމުންނެވެ. މީގެކުރިން ފުލުހުން އައި އެ މީހުންނަށް ނަސޭހަތްތެރި ވަމުންނެވެ.
ފުލުހުން އިދާރާއިން ބޭއްވި ނޫސްވެރިންގެ ބައްދަލުވުމުގައި އެސިސްޓެންޓް ކޮމިޝަނަރ އޮފް ޕޮލިސް އަބްދުﷲ ފައިރޫޝް ވިދާޅުވީ، މަގުމަތީގައި އުޅެމުންދާ މީހުންގެ ތެރެއިން ބައެއް މީހުންނަކީ ގެދޮރެއް ނެތި މާލޭގެ އެކި ތަންތަނުގައި އުޅެމުންދާ މީހުން ކަމަށެވެ. އަދި މާލޭ މަގުމަތީގައި ގިނައިން އުޅޭނީ ބިދޭސީންކަން ވެސް އޭސީޕީ ވަނީ ފާހަގަކުރައްވާފައެވެ.
