ކޮވިޑް-19 ރާއްޖޭގައި ފެތުރެން ފެށުމާއެކު، މާލެ ސަރަހައްދު ކޮލްޑައުން ކޮށްފައިވާތީ، މާލޭގައި ހުންނަ ލޯކަލް މާރުކޭޓު ހުސްކުރުމުގެ މަސައްކަތް މާލެ ސިޓީ ކައުންސިލް ފަށައިފި އެވެ.
ރާއްޖެޓީވީން ގެނެސްދޭ "ކޮވިޑް-19 ކަވަރޭޖް"އަށް ފޯނުން މައުލޫމަތުދެއްވަމުން މާލެ ސިޓީގެ މޭޔަރު ޝިފާ މުހައްމަދު ވިދާޅުވީ، މާލެ ސަރަހައްދު ކޮލްޑައުން ކުރުމާއި ގުޅިގެން ލޯކަލް މާރުކޭޓް ހުސްކުރުމުގެ މަސައްކަތް ފެށިނަމަވެސް މާރުކޭޓު ހުސްކުރުމުގައި ދަތިތަކެއް ދިމާވެފައިވާ ކަމަށެވެ.
އަޅުގަނޑުމެން ކޮންމެ ދުވަހަކު އެބަ ހުޅުވާލަދެން 8، 10 ނުވަތަ 11 ޖަހަންދެން. އަނެއްކާ ހުރިހާ ބޭފުޅުންނަށް މެސެޖް ކުރަމުން މިއަދަނީ. އަޅުގަނޑުމެންނަޢް މެސެޖް ކުރެވޭނީ އަޅުގަނޑުމެންނާ އެގްރީމެންޓް ކުރެވިފައިވާ ފަރާތްތަކާ. މާނައަކީ ގޮޅި ނަގާފައިއޮތް ފަރާތްތަކާއޭ އަޅުގަނޑުމެން އެސްއެމްއެސް ކުރާނީ. އެގޮޅި އެއްއަތުން އަނެއް އަތަށް، ތިންވަނަ މީހާއިން ހަތަރުވަނަ މީހާއަށް ގޮއްސައޮތަސް، އަޅުގަނޑުމެން މެސެޖްކޮށް، ގުޅަމުންދާނީ އެގްރީމެންޓް ކުރެވިފައިވާ ފަރާތްތާ.މާލެ ސިޓީގެ މޭޔަރު ޝިފާ މުހައްމަދު
ޝިފާ ވިދާޅުވީ، މާލެ ލޮކްޑައުންކުރި ދުވަހުނޫން އަނެއް ދުވަހު، އެފަރާތްތަކަށް ވަކިވަގުތުތަކެއްގައި އެތަނުން މުދާ ހުސްކުރުމަށް ހުޅުވަމުންދާ ކަމަށެވެ. އަދި އެތަކެއްޗާ ހަވާލު ވުމަކީ އެފަރާތްތަކުގެ ކަމެއް ކަމަށާއި އެމުދާތަކަށް ހަދާނެ ގޮތެއް އެނގޭނީވެސް ހަމަ މުދަލުގެ ވެރިފަރާތަށް ކަމަށްވެސް ޝިފާ ވިދާޅުވި އެވެ.
އަޅުގަނޑުމެން އެތަން ހުޅުވާލަދިން އިރު އެތަކެތި ކުންޏެއް ނުވޭ. މިހާރުވެސް އަސްލު ވަރަށް ގިނަ މުދާތައް ވަނީ ގެންގޮސްފަ. މިހާރު ގާތްގަނޑަކަށް އެއޮތީ ހުސްވެފަ މިހާރު، ބައެއް ފަރާތްތަކުން މިދާތައް ފިހާރަތަކަށް ވެސް ވިއްކާފައިވޭ. އަދި އަމިއްލަ ގެއަށްވެސް ގެންދަވައިފި.މާލެ ސިޓީގެ މޭޔަރު ޝިފާ މުހައްމަދު
ޝިފާ ވިދާޅުވީ ގޮޅިތަކުގައި ހުރި މުދާ އޭގެ ވެރިފަރާތްތަކާ ހަވާލުކުރުމަކީ ސިޓީ ކައުންސިލްގެ ޒިންމާއެއްކަމަށްވާތީ، އެކަން ކުރެއްވީ ކަމަށެވެ. އަދި ގޮޅިން މުދާ ދޫކުރަނީ އެތަކެތި ގެންދާ ފަރާތްތަކުގެ މައުލޫމާތު އޮޅުން ފުލުވުމަށްފަހުގަ ކަމަށްވެސް ޝިފާ ވިދާޅުވި އެވެ.
މާލޭގެ ލޯކަލް މާރުކޭޓަކީ، ރާއްގޭގައި އުފައްދާ ވަރަށް ގިނަ ފަރާފާތު ތަރުކާރީއާއި މޭވާ އަދި ކާބޯތަކެތި ވިއްކުމަށް މާލޭގެ އެންމެ ކާރުބާރުބޮޑު ބާޒާރު ސަރަހައްދުގައި ގާއިމު ކޮށްފައިވާ ތަނެކެވެ.
ކުރިއަށް އޮތް ހަފްތާގައި ފެށޭ ރޯދަމާ ދިމާކޮށް، ގިނަ އަދަދެއްގެ މުދާ އެތަނުގައި ހުންނާނެ ކަމަށްވެސް ވެއެވެ.
