މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގް ކޮމްޕެނީ (އެމްޓީސީސީ)ން މާލެސިޓީގެ ސަރަހައްދުގައި ދެމުންދާ ހުރިހާ ދަތުރުފަތުރުގެ ހިދުމަތެއް ހުއްޓާލައިފިއެވެ.
ބުދަ ދުވަހު ކުރި ޓުވީޓެއްގައި އެމްޓީސީސީން ބުނީ މާލެ ސަރަހައްދު ލޮކްޑައުން ކުރުމާއި ގުޅިގެން އެމްޓީސީސީން ދެމުންދާ ދަތުރުފަތުރުގެ ޚިދުމަތް މެދުކަނޑާލާފައިވާކަމަށެވެ. އަދި މި ޚިދުމަތް ފެށޭނީ ލޮކްޑައުން އުވާލުމުން ކަމަށެވެ.
މިގޮތަށް އެމްޓީސީސީން ނިންމާފައިވާއިރު މާލެ ސިޓީގެ އެއްވެސް ސަރަހައްދެއްގައި ބަނދަރުކޮށްފައިވާ އެއްވެސް އުޅަނދެއްވެސް ފުރުމަކީވެސް މަނާކަމެއް ކަމަށް އެޗްޕީއޭއިން ވަނީ ބުނެފައެވެ.
މާލެ ސަރަޙައްދު 24 ގަޑިއިރަށް ލޮކްޑައުންކުރީ މާލެއިން ދިވެއްސަކު ކޮވިޑް-19 އަށް ޕޮޒިޓިވްވުމާ ގުޅިގެންނެވެ.
