ކޮވިޑް-19 އާއި ގުޅިގެން ކުރަންޖެހޭ މަސައްކަތްތައް ފަސޭހަކުރުމަށް މާލޭސިޓީގައި ދިރިއުޅޭ ބިދޭސީންގެ މަޢުލޫމާތު އެއްކުރުމުގެ މަސައްކަތް މާލޭސިޓީ ކައުންސިލުން ފަށައިފިއެވެ.
މާލެ ސިޓީ ކައުންސިލުން ބުނީ ކައުންސިލްގެ މުވައްޒަފުންނާއި ވޮލަންޓިޔަރުން ބައިވެރިވެގެން ކުރެވެމުންދާ މި މަސައްކަތުގެ ދަށުން މާލެއާ ވިލިމާލެއާ އަދި ހުޅުމާލޭގެ ބިދޭސީން ދިރިއުޅޭ ތަންތަން ބަލައި އެބައިމީހުންގެ މަޢުލޫމާތު އެއްކުރުމުގެ މަސައްކަތްތައް ކުރިއަށްދާ ކަމަށެވެ.
މިހާތަނަށް މާލޭ ސިޓީ ކައުންސިލުން ކުރެވުނު މަސައްކަތުގެ ދަށުން މާލޭސިޓީގެ މާލޭގައި ބިދޭސީން ދިރިއުޅޭ 536 ތަނެއްގެ މަޢުލޫމާތު އެއްކުރެވިފައިވާ ކަމަށާއި، ވިލިމާލޭގެ 51 ތަނެއް ބަލައި މަޢުލޫމާތު އެއްކުރެވިފައިވާ ކަމަށް ކައުންސިލުން ބުނެއެވެ.
ކައުންސިލުން ބުނީ ބިދޭސީންގެ މަޢުލޫމާތު އެއްކުރުމުގެ ބޭނުމަކީ ރޯގާގެ ޙާލަތުގައި ބިދޭސީންނަށް ދިމާވެދާނެކަމަކަށް އަޅަންޖެހޭ ރައްކާތެރިކަމުގެ ފިޔަވަޅުތައް އެޅުމަށް ފަސޭހަކުރުން ކަމަށެވެ.
