ކޮވިޑް-19 އާ ގުޅިގެން ރާއްޖޭގައި ތާށިވެފައި ތިބި މިސްރުގެ 95 މީހަކު ގައުމަށްދާން ބޭނުންވެގެން އެހީއަށް އެދިފައިވާ ކަމަށް މިސްރުގެ އިމިގްރޭޝަނުން ބުނެފިއެވެ.
މިސްރުގެ އިމިގްރޭޝަން އެންޑް އެކްސްޕެޓްރިއޭޓް އެފެއާސް މިނިސްޓަރު ނަބީލާ މަކްރަމްއާ ހަވާލާދީ އެ ގައުމުގެ ނޫސްތަކުން ރިޕޯޓްކުރާ ގޮތުން ގައުމަށް އަނބުރާ ނުދެވި ތިބީ ޗުއްޓީ އަށް ރާއްޖެއ އައިސް ތިބި މީހުންގެ އިތުރުން ރާއްޖޭގައި މަސައްކަތްކުރާ މީހުން ކަމަށެވެ. އޭގެތެރެއިން ބައެއް ފަތުރުވެރިން ތިބި ތަނުން ދޫކޮށް ދިޔުމަށް އަންގާފައިވާ ކަމަށް މިސްރުގެ އިމިގްރޭޝަނާއި ހަވާލާދީ އެ ނޫހުން ވަނީ ރިޕޯޓްކޮށްފައެވެ.
މަކްރަމް ވިދާޅުވީ، އެެހެން ގައުމުތަކުގައި ތިބި މިސްރުގެ މީހުން އަނބުރާ ގައުމަށް ގެންދިޔުމުގެ މަސައްކަތް އެ ގައުމުގެ ސަރުކާރުން ކުރަމުންދަ ކަމަށެވެ. އެގޮތުން 12،120 މީހަކު ގައުމަށްދާން ބޭނުންވެގެން އެހީއަށް އެދިފައިވާ ކަމަށް އޭނާ ވިދާޅުވިއެވެ.
