ކޮވިޑް-19 އަށް އަނެއްކާ ވެސް ދިވެއްސެއް ޕޮޒިޓިވް ވެއްޖެއެވެ.
ހެލްތު ޕްރޮޓެކްޝަން އެޖެންސީ (އެޗްޕީއޭ)އިން ބުނީ ރޯޔަލް އައިލެންޑް ރިސޯޓުގައި ކަރަންޓީނު ކޮށްފައިވާ ދިވެއްސެއްގެ ފަރާތުންގެ އަލާމާތްތައް ފެނި، ސާމްޕަލް ނަގާ، ހެދި ޓެސްޓުގެ ނަތީޖާ ޕޮޒިޓިވް ވެފައިވާ ކަމަށެވެ.
އެއީ، އިނގިރޭސި ވިލާތުން އެނބުރި އައި މީހެއް ކަމަށް އެޗްޕީއޭއިން ބުނެއެވެ.
އިތުރު ދިވެއްސެއް ޕޮޒިޓިވްވެފައިވާއިރު، މިހާރު ވެސް ދެ ދިވެއްސަކު މިވައިރަސްއަށް ޕޮޒިޓިވްވެ ދަނީ ފަރުވާދެމުންނެވެ.
