ކޮވިޑް-19 އަށް ޝައްކުކުރެވޭ އަލާމާތްތައް ފެނިގެން މާލެއިން 61 މީހަކު އެކަހެރި ކޮށްފައިވާ ކަމަށް ނެޝަނަަލް އެމެޖެންސީ އޮޕަރޭޝަން ސެންޓަރ (އެންއީއޯސީ) އިން ބުނެފިއެވެ.
ހޮނިހިރު ދުވަހުގެރޭ ދަރުބާރުގޭގައި ބޭއްވި ޕްރެސްކޮންފަރެންސް ގައު ނޫސްވެރިޔަކު ކުރި ސުވާލަކަށް ޖަވާބުދެއްވަމުން ރައީސް އޮފީހުގެ އަންޑަރ ސެކެރެޓަރީ މަބްރޫކް އަޒީޒް ވިދާޅުވީ، ހޯމް އައިސޮލޭޝަންގައި މާލޭގައި 13 ދިވެހިންނާއި ހަތަރު ބިދޭސީން އެބަތިބި ކަމަށެވެ.
އަދި ހޯމް ކަރަންޓީނުގައި މިވަގުތު 43 ދިވެހިންނާއި ބިދޭސީއަކު އެބަތިބި ކަމަށެވެ. އޭގެ އިތުރުން މަބްރޫކް ވިދާޅުވީ، ލަކްސް ނޯތް މާލެ އެޓޯލް އިން ބަލީގެ އަލާމާތްތަައް ފެނިގެން ދިވެއްސަކުގެ ސާމްޕަލް ނަގާ ޓެސްޓު ކުރުމުގެ މަސައްކަތް ކުރަމުންދާ ކަމަށާއި، އެ ރަށް މޮނިޓަރިން ހާލަތަށް ގެންގޮސްފައިވާ ކަަމަށެވެ.
އެމީހާގެ ކޮންޓެކްޓް ޓްރޭސިންގެ މަސައްކަތް ކުރިޔަށްދާ ކަމަށް އޭނާ ވިދާޅުވިއެވެ. އަދި ވީއެސްޖީ ނަމަކަށް ކިޔާ ސަފާރީން ބައްޔަށް ޝައްކުވާ ބިދޭސީއަކު ފެނިގެން އޭނާގެ ސާމްޕަލް ނަގަމުންދާ ކަމަށެވެ.
