ވ. ސިނަމަން ވެލިފުށި ރިސޯޓުން ނުފޭބިއްޖެނަމަ އަމިއްލަ ހަށިގަނޑަށް ގެއްލުންދޭނެ ކަމަށް ބުނި މީހަކު ހައްޔަރުކޮށްފިއެވެ.
ފުލުހުން ބުނީ ޑިރެކްޓަރ ޖެނެރަލް އޮފް ޕަބްލިކް ހެލްތްގެ އެންގެވުމާއި ހިލާފަށް 2020 މަރޗް 26 ވަނަ ދުވަހުގެ ވަގުތެއްގައި ސިނަމަން ވެލިފުށި ރިސޯޓުގެ މުވައްޒަފެއް އެރިސޯޓުން ފޭބުމަށްޓަކައި މެޑިކަލް ލިއުމެއް ނުދީފިނަމަ އަމިއްލަ ނަފްސަށް ގެއްލުން ދޭނެ ކަމަށް ބުނެފައިވާ ކަމަށެވެ.
ފުލުހުން ބުނީ އޭނަ އަށް ކަމެއް ދިމާވުމުގެ ކުރިން ފުލުހުން ކޯޓު އަމުރެއްގެ ދަށުން މަރޗް 26 ވަނަ ދުވަހު އޭނާގެ ފުލުހުންގެ ބެލުމުގެ ދަށަށް ގެނެސްފައިވާ ކަމަށެވެ.
ފުލުހުންގެ ބެލުމުގެ ދަށަށް ގެނެސްފައިވަނީ 33 އަހަރުގެ ދިވެހި ފިރިހެނެކެވެ.
މިމައްސަލަ ފުލުހުން ދަނީ ތަހުގީގު ކުރަމުންނެވެ.
