އޮޅުވެލި ބީޗް އެންޑް ސްޕާ ގެ މުވައްޒަފަކު މަރުވެފައި އޮއްވައި ފެނިއްޖެއެވެ.
އެކަމާ ގުޅޭގޮތުން ފުލުހުން ބުނީ، އެ މުވައްޒަފު މަރުވެފައި އޮއްވައި ފެނިފައިވާ މައްސަލަ ފުލުހުންނަށް ހުށައަޅާފައިވަނީ ހޯމަ ދުވަހުގެ ވަގުތެއްގައި ކަމަށެވެ.
ފުލުހުން ބުނީ، އެ މިހާ ފެނިފައިވަނީ އޭނާ ދިރިއުޅޭ ކޮޓަރީގައި މަރުވެފައި އޮއްވައި ކަމަށެވެ. އަދި އޭނާއަކީ ސްރީލަންކާއަށް ނިސްބަތްވާ އުމުރުން 53 އަހަރުގެ ފިރިހެނެއް ކަމަށްވެސް ފުލުހުން ބުނެފައިވެއެވެ.
އެކަމާ ގުޅޭ އިތުރު ތަފުސީލެއް ފުލުހުން ހާމައެއް ނުކުރެއެވެ. މި މައްސަލަ ފުލުހުން ދަނީ އިތުރަށް ތަހުޤީޤު ކުރަމުންނެވެ.
