ކޮވިޑް-19 އަށް ޕޮޒިޓިވްވި އިތުރު މީހަކު ރަނގަޅު ވެއްޖެއެވެ.

ނޭޝަނަލް އެމަޖެންސީ އޮޕަރޭޝަން ސެންޓަރު (އެންއީއޯސީ)އިން ހޮނިހިރު ދުވަހު މެންދުރު ބޭއްވި ނޫސްވެރިންގެ ބައްދަލުވުމުގައި މޫސާ ޑރ. މޫސާ މުރާދު ވިދާޅުވީ، ކޮވިޑް-19 އަށް ޕޮޒިޓިވް މީހަކު ބަލިން ރަނގަޅުވެފައިވާ ކަމަށެވެ.

އެމީހަކީ ކުރެއްދޫ އައިލެންޑް ރިސޯޓުން ކޮވިޑް-19 އަށް ޕޮޒިޓިވްވި 5 މީހުންގެ ތެރެއިން އެކަކު ކަމަށާއި އެމީހާ ކޮވިޑް-19 އަށް ޝައްކުކުރެވިގެން އައިސޮލޭޝަނަށް ގެންދިޔައީ މިމަހުގެ 7 ވަނަ ދުވަހު ކަމަށް އެޗްޕީއޭ އިން ބުންޏެވެ.

ޑރ. މުރާދު ވިދާޅުވީ އޭނާއަށް ފަރުވާދިނުމަށްފަހު، ކޮވިޑް-19ގެ އަލާމާތްތައް ނުވަތަ ބަލި ނެތުމުން، އޭނާގެ ދެ ޓެސްޓެއް ހެދި ކަމަށެވެ. އެގޮތުން ފުރަތަމަ ޓެސްޓް ހެދީ މިމަހުގެ 18 ވަނަ ދުވަހު ކަމަށާއި އަދި ދެވަނަ ޓެސްޓް ހެދީ މިމަހުގެ 20 ވަނަ ދުވަހު ކަމަށެވެ. އެ ދެ ޓެސްޓްވެސް ކޮވިޑް-19 އަށް ނެގަޓިވް ވުމުން، އޭނާ ކޮވިޑް-19 ބަލިން ރަނގަޅުވެފައިވާ މީހެއް ކަމަށް ނިންމާފައި ވާކަމަށެވެ.

ނަމަވެސް މުރާދު ވިދާޅުވީ، ބަލިން ރަނގަޅުވާ މީހުން އިތުރު އެއްމަސް ވަންދެން މޮނީޓަރ ކުރަމުންދާނެ ކަމަށެވެ.

ހޮނިހިރު ދުވަހު ކޮވިޑް-19 ބަލިން ރަނގަޅުވެފައިވާއިރު، ހުކުރު ދުވަހުގެ ރޭ ވަނީ ދެ މީހުން ރަނގަޅުވެފައިވާ ކަމަށް ސަރުކާރުގެ ވަނީ ހާމަކޮށްފައެވެ.

އެހެންކަމުން މިވަގުތު ރާއްޖޭގައި ކޮވިޑް-19 ޕޮޒިޓިވްވި 13 މީހުންގެ ތެރެއިން ތިން މީހަކު މި ވަނީ މިބަލުން ރަނގަޅު ވެފައެވެ. އެހެންކަމުން މިހާރު ކޮވިޑް-19 ޖެހިގެން ފަރުވާދެމުންދަނީ 10 މީހަކަށެވެ.