އަނަންތަރާ ކިހަވަށް ރިސޯޓުން ކޮވިޑް-19 އަށް ޝައްކު ކުރެވޭ ދެމީހެއްގެ ސާމްޕަލް ނަގާ ޓެސްޓްކުރުމުގެ މަސައްކަތް ކުރިއަށްދާ ކަމަށް ހެލެތް ޕްރޮޓެކްޝަން އެޖެންސީ (އެޗްޕީއޭ) އިން ބުނެފިއެވެ.
ހޯމަ ދުވަހުގެ ރޭ އެޗްޕީއޭއިން ކޮށްފައިވާ ޓްވީޓްގައި ވަނީ ރައްކާތެރިކަމުގެ ގޮތުން ޢަމަލު ކުރަމުންދާ އުޞޫލުގެ ދަށުން، ކޯވިޑް-19 އަށް ޝައްކުކުރެވޭ އަލާމާތްތައް ހުރެގެން، އަނަންތަރާ ކިހަވަށް ރިސޯޓުން ބިދޭސީއެއްގެ ސާމްޕަލް ނަގައި، ޓެސްޓްކުރުމުގެ މަސައްކަތް ކުރިޔަށްދާ ކަމަށެވެ. އޭނާ ވަނީ ހޯމް އައިސޮލޭޝަންގައި ކަމަށާއި ރިސޯޓްވަނީ މޮނިޓަރިންގެ ހާލަތުގައި ކަމަށް އެޗްޕީއޭއިން މައުލޫމާތު ދެއެވެ.
މީގެ އިތުރުން އެ ރިސޯޓުން ކޯވިޑް-19 ގެ އަށް ޝައްކު ކުރެވޭ އަލާމާތްތަކެއް ހުރި ދިވެއްސެއްގެ ސާމްޕަލް ނަގައި ޓެސްޓް ކުރުމުގެ މަސައްކަތް ކުރިއަށްދާ ކަމަށް އެޗްޕީއޭ އިން މައުލޫމާތު ދެއެވެ.
ރާއްޖެ އިން މިހާތަށް ކޮވިޑް 19 އަށް ޕޮޒިޓިވް ވެފައިވަނީ 13 މީހެކެވެ.
- ކުރެއްދޫ ރިސޯޓް: 5 މީހުން.
- ކުރަމަތި ރިސޯޓް: 2 މީހުން
- ސޭންޑީސް ބަތަލާ ރިސޯޓް: 2 މީހުން.
- އަނަންތަރާ ދިގު ރިސޯޓް: 2 މީހުން
- އައިލެންޑް ސަފާރީ ބޯޓް: 2 މީހުން.
