ފަރުކޮޅުފުއްޓަށް ގެންގޮސް އެކަހެރި ކުރެވުނު ދިވެހި މީހާގެ ޓެސްޓުގެ ނަތީޖާ ކޯވިޑް19 އަށް ނެގެޓިވްވެއްޖެ އެވެ.
ހޯމަ ދުވަހު އެޗްޕީއޭއިން ކުރި ޓްވީޓެއްގައި ބުނީ، ހުޅުމާލެއިން ފަރުކޮޅުފުއްޓަށް ގެންގޮސް އެކަހެރި ކުރެވުނު ދިވެހި މީހާގެ ޓެސްޓުގެ ނަތީޖާ ނެގެޓިވްވެފައިވާ ކަމަށެވެ. އޭނާއަކީ އަނަންތާރާ ދިގު ރިސޯޓުން ވައިރަސްއަށް ޕޮޒިޓިވްވި މީހާގެ "ކްލޯސް ކޮންޓެކްޓް" އެއް ކަމަށް އެޗްޕީއޭއިން ބުންޏެވެ.
އޭނާގެ ނަތީޖާ ނެގެޓިވްކަމަށް އެޗްޕީއޭއިން ބުނެފައިވާއިރު، އަނަންތަރާ ދިގު ރިސޯޓުން ދެ މީހަކު ވަނީ ޕޮޒިޓިވްވެފައެވެ. އެ ދެ މީހުންނާއެކު ރާއްޖެއިން ކޮވިޑް-19 ޖެހުނު މީހުންގެ އަދަދުވަނީ 13 އަށް އަރާފަ އެވެ. އެ އެންމެންނަކީވެސް ބިދޭސީންނެވެ. އަދި މިހާތަނަށް މި ބައްޔަށް ދިވެއްސަކު ޕޮޒިޓިވްވެފައެއް ނުވެއެވެ.
