ސަން އެކުއަރ ރިސޯޓުންގެ ބިދޭސީއެއްގެ ގައިން ކޮވިޑް-19އަށް ޝައްކު ކުރެވޭ އަލާމާތްތައް ފެނިގެން އެކަހެރިކޮށްފިއެވެ.

ހެލްތު ޕްރޮޓެކްޝަން އެޖެންސީ (އެޗްޕީއޭ) ބުނީ ކޮވިޑް-19 އަށް ޝައްކުކުރެވޭ އަލާމާތްތައް ހުރެގެން ސަން އަކުއާރ ރިސޯޓުން ބިދޭސީއެއްގެ ސާމްޕަލް ނަގާ ޓެސްޓްކުރުމުގެ މަސައްކަތް ކުރިޔަށްދާ ކަމަށެވެ.

ޓެސްޓްގެ ނަތީޖާ ލިބެންދެން އެ ރިސޯޓުގައި ވަނީ މޮނިޓަރިންގގައި ކަމަށް އެޗްޕީއޭއިން ބުނެއެވެ.

ދުނިޔޭގެ ހުރިހާ ބައްރަކުން ކޮވިޑް-19 ފެނިފައިވާއިރު، މިހާތަނަށް ރާއްޖެއިން 08 މީހަކު ވަނީ ކޮވިޑް-19އަށް ޕޮޒިޓިވްވެފައެވެ. އެއީ ކުރެއްދޫ ރިސޯޓުން 04 މީހުން، ސޭންޑީޒް ބަތަލާ ރިސޯޓުން 02 މީހުން، ކުރިމަތި އައިލެންޑް ރިސޯޓުން 02 މީހުންނެވެ.