ކުރިޔަށް އޮތް ލޯކަލް ކައުންސިލް އިންތިޚާބު ކެމްޕޭނު ފެށުމުގެ ގޮތުން ޖުމްހޫރީ ޕާޓީން ބާއްވާ ޖަލްސާ މި މަހުގެ 13 ވަނަ ދުވަހު ބާއްވާ ގޮތަށް ހަމަޖެހިއްޖެއެވެ.

ހޯމަ ދުވަހުގެރޭ ޖުމްހޫރީ ޕާޓީގެ އޮފީސް މ. ކުނޫޒް ގައި ބޭއްވި ނޫސްވެރިންގެ ބައްދަލުވުމުގައި ވާހަކަ ދައްކަވަމުން ވިލިމާލެ ދާއިރާގެ ކުރީގެ މެންބަރު އަހުމަދު ނިހާން ހުސައިން މަނިކު ވިދާޅުވީ، ޖޭޕީން ކާނިވަލުގައި ބާއްވާ ބައްދަލުވުން ވެގެން ދާނީ މީގެ ކުރިން އެމްޑީޕީންނާއި، ޕީޕިއެމުން ބޭއްވި ފަދަ ބައްދަލުވުމެއް ކަމަށެވެ. ކައުންސިލް އިންތިޚާބާއި، އަންހެނުން ތަރައްޤީއަށް މަސައްކަތް ކުރާ ކޮމިޓީއަށް ޖުމުލަ 183 ކެނޑިޑޭޓުން ވާދަކުރާނެއެވެ.

އެ ބައްދަލުވުމުގައި ވާހަކަ ދައްކަވަމުން ވެލިދޫ ދާއިރާގެ ކުރީގެ މެންބަރު ޔާމިން ރަޝީދު ވިދާޅުވީ، ޕާޓީގެ ޖަލްސާ ކާނިވާލް ޞަރަޙައްދުގައި ބޭއްވުމަށް ކަމާއިބެހޭ އިދާރާތަކުން ނަގަން ޖެހޭ ހުއްދަ އަށް އެދިފައިވާ ކަމަށެވެ. ޔާމީން ރަޝީދު ވިދާޅުވީ، ޖަލްސާގެ ތައްޔާރީތައް މިހާރުވަމުންދާ ކަމަށެވެ.

ޖަލްސާގެ ޝިޢާރެއްގެ ގޮތުގައި ހަމަޖައްސާފައިވަނީ ''ދީނާއި ޤައުމުގެ ދިފާޢުގައި'' އެވެ. ޔާމީން ވިދާޅުވީ، އެ ޝިޢާރަކީ އެންމެ ކުރީއްސުރެ އެ ޕާޓީގެ ޝިޢާރުކަމަށާއި، އެއަކަށް ދުވަހަކުވެސް ބަދަލެއް ނާންނަ ކަމަށެވެ.

ޖޭޕީގެ ކެމްޕޭން ލޯންޗިން ޖަލްސާ ކާނިވާ ޞަަރަޙައްދުގައި ބާއްވަން ނިންމާފައި އެމްޑީޕީ އާއި ޕީޕީއެމް އިން އެޕާޓީތަކުގެ ކެމްޕޭން ލޯންޗިން ޖަލްސާ ވަނީ ބާއްވާފައެވެ.