މަރުވެފައި އޮތް ކިނބުލެއް ހދ. ވައިކަރަދޫއިން ފެނިއްޖެ އެވެ.
އެ ރަށުގެ އިރުމަތީ ފަރާތު ގޮނޑުދޮށަށް ކިނބޫ ލައްގާފައި އޮއްވާ ފެނުނީ ހޮނިހިރު ދުވަހުގެ އިރުއޮއްސި 6:15 ހާއިރު އެ ރަށު ޒުވާނުންތަކަކަށެވެ.
ގާތްގަނޑަކަށް ތިން ފޫޓުގެ އެ ކިނބޫ ފެނުނުއިރު ވެސް އޮތީ މަރުވެފައެވެ. އެމްއެންޑީއެފްގެ އިރުޝާދުގެ މަތިން އެ ކިނބޫ ވަޅުލާފައިވާ ކަމަށް އެރަށުން މަޢުލޫމާތު ދިން މީހާ ބުންޏެވެ.
Advertisement
ރާއްޖޭގެ ބައެއް ޞަރަޙައްދުތަކުން މީގެކުރިިންވެސް ކިނބޫ ފެނިފައި ވެއެވެ. މަހަށް ދިޔަ ބަޔަކު ހިފި ކުޑަ ކިނބުލެއް މާލޭގެ ކުޑަކުދިންގެ ބަގީޗާގައި ބާއްވައިގެން ގިނަ އަހަރުތަކެއް ވަންދެން ގެންގުޅެ ބޮޑު ކޮށްފައި ވެއެވެ.
ނަމަވެސް ކުރީގެ ރައީސް ޢަބްދުﷲ ޔާމީނުގެ ވެރިކަމުގައި އެ ކިނބޫ ބަޑިޖަހާ މަރާލާފައިވާ ކަމަށް ވެއެވެ.
