ހުޅުމާލޭގައި ތޫނު އެއްޗަކުން ހަމަލާދީ 3 މީހަކު ޒަޙަމްކޮށްލައިފިއެވެ.
އެކަމާ ގުޅޭގޮތުން ފުލުހުންގެ މީޑިއާ އޮފިޝަލް ވިދާޅުވީ، ހުޅުމާލޭގައި 3 މީހަކަށް ތޫނު އެއްޗަކުން ހަމަލާދިން މައްސަލައެއް އަންގާރަ ދުވަހުގެރޭ 20:10 ހާއިރު ފުލުހުންނަށް ހުށައެޅިފައިވާ ކަމަށެވެ. އަދި އެކަން ހިނގާފައިވަނީ ހުޅުމާލޭ ރެޑްބުލް ދަނޑު ކައިރީގައި ކަމަށްވެސް ފުލުހުން ބުނެއެވެ.
Advertisement
ފުލުހުން ބުނީ، މި މާރާމާރީގައި އަނިޔާވެފައިވަނީ ޗައިނާ 2 ފިރިހެނުންނާއި، އޮސްޓްރޭލިއާގެ ފިރިހެނަކަށް ކަމަށެވެ. އަދި އެ މީހުންގެ ހާލު ސީރިއަސް ނޫންކަމަށްވެސް ފުލުހުން ބުންޏެވެ.
ފުލުހުން ބުނީ، އެމީހުންނަށް ހަމަލާދީފައިވަނީ ހެލްމެޓް އަޅައިގެން ސައިކަލުތަކެއްގައި ދިޔަ ބައެއް ކަމަށް މިހާތަނަށް މައުލޫމާތު ލިބިފައިވާ ކަމަށެވެ.
މި މައްސަލަ ފުލުހުން ދަނީ އިތުރަށް ތަހުޤީޤު ކުރަމުންނެވެ.
