ހިމަބިއްސާއި ކޮރޯނާވައިރަސް ފެތުރުން އާއްމުވެފައިވާތީ ރާއްޖޭގެ ހުރިހާ މިސްކިތެއްގައި ގުނޫތު ކިޔާން ޖެހޭ ގޮތަށް ހަމަޖައްސައިފިއެެވެ.

އިސްލާމިކް މިނިސްޓްރީން ބުނީ، ހިމަ ބިއްސާ، ކޮރޯނާވައިރަސް ފަދަ ނުރައްކާތެރި ބަލިތަކުން ސަލާމަތްކޮށް ދެއްވުމަށް އެދި ރާއްޖޭގެ ހުރިހާ މިސްކިތެއްގައި ބުރާސްފަތި ދުވަހުން ފެށިގެން ގުނޫތު ނާޒިލާ ކިޔާ ގޮތަށް ހަމަޖެހިފައިވާ ކަމަަށެވެ.

ގޫނޫތު ނާޒިލާ އަކީ ބޮޑު ކާރިސާއެއް ކުރިމަތިވުމުން ކިޔާ ހާއްސަ ދުއާ އެކެވެ.

ހެލްތް މިނިސްޓްރީން ހާމަކޮށްފައިވާގޮތުން އަށް މީހަކު ވަނީ ހިމަބިއްސަށް ޕޮޒިޓިވް ވެފައެވެ. މުޅިން އެއްކޮށް ނައްތާލެވިފައިވާ މި ބަލި އަނެއްކާވެސް ރާއްޖެއިން ފެނިފައިވާއިރު، ބައްޔާއި މެދު މީހުން ހޭލުންތެރިކުރުމަށް ހެލްތް މިނިސްޓްރީން ދަނީ އެކި ކަހަލަ ޕްރޮގްރާމްތައް ހިންގަމުންނެވެ.