ހުރަވީ ދުވަހުގެ ރަސްމީ ޖަލްސާ މިރޭ ތާޖުއްދީން ސްކޫލްގައި އޮންނާނެ އެވެ.
މިރޭ 8:30 ގައި ބާއްވާ މިޖަލްސާގައި ހޯމް މިނިސްޓަރ އައްޝައިޚް އިމްރާން ޢަބްދުﷲ ވާހަކަފުޅު ދައްކަވާނެ އެވެ. މިޖަލްސާ ޝަރަފުވެރި ކޮށްދެއްވާނީ ހަޔަރ އެޑިޔުކޭޝަން މިނިސްޓަރ ޑރ އިބްރާހީމް ޙަސަން އެވެ.
Advertisement
މީގެއިތުރުން ހުރަވީ ދުވަހާއި ގުޅޭގޮތުން ދިވެހިބަހާއި އަދަބިއްޔާތުގެ ދާއިރާއިން ވާހަކަދެއްކުމުގެ ފަންނު ކުރިއެރުވުމުގެ ރޮނގުން ހިތްވަރުދިނުމުގެ ޤައުމީ އިނާމު ލިބިވަޑައިގަންފައިވާ މުޙައްމަދު ޝިފާން ވާހަކަ ދައްކަވާނެ އެވެ.
ހުރަވީ ދުވަސް ނިޞްބަތްވެ ވަޑައިގަންނަވަނީ އައްސުލްޠާން ހަސަން ޢިއްޒުއްދީން ދޮންބަންޑާރައިންނަށެވެ. މިދުވަސް ފާހަގަކުރަނީ އެރަދުން މަލާބާރީންގެ އަތްދަށުން ރާއްޖެ މިނިވަންކުރި ދުވަސް ފާހަގަކުރުމުގެ ގޮތުންނެވެ. މިދުވަސް ފާހަގަކުރަން ފެށީ 1980 ވަނަ އަހަރުގައެވެ.
