2019 ވަނަ އަހަރު ރާއްޖޭގައި ކުރި ވަރި 61.6 އިންސައްތަ މައްޗަށް ގޮސްފައިވާކަމަށް ޑިޕާޓްމެންޓް އޮފް ޖުޑީޝަލް އެޑްމިނިސްޓްރޭޝަންގެ ތަފާސްހިސާބުތަކުން ދައްކައިފިއެވެ.

ޑީޖޭއޭ އިން ނެރެފައިވާ ދިވެހިރާއްޖޭގެ ކުރެވޭ ކައިވެންޏާއި ވަރީގެ ތަފާސްހިސާބުތައް ބަލާއިރު، 2018 ވަނަ އަހަރު 5290 ކައިވެނިކޮށްފައިވާއިރު 2019 ވަނަ އަހަރު ކޮށްފައިވަނީ 6509 ކައިވެންޏެވެ. ތަފާސްހިސާބުތަކުން ދައްކާގޮތުގައި 2018 ވަނަ އަހަރާއި އަޅައިބަލާއިރު 2019 ވަނަ އަހަރު ކުރެވުނު ކައިވެނީގެ އަދަދު 23 އިންސައްތަ އިތުރެވެ.

ވަރިއަށް ބަލާއިރު، 2018 ވަނަ އަހަރު 3166 ވަރި ކޮށްފައިވާއިރު 2019 ވަނަ އަހަރު ކޮށްފައިވަނީ 5117 ވަރިއެވެ. 2018 ވަނަ އަހަރާއި އަޅައި ބަލާއިރު 2019 ވަނަ އަހަރު ކުރެވުނު ވަރީގެ އަދަދު ވަނީ 61.6 އިންސައްތަ އިތުރުވެފައެވެ.

ދުނިޔޭގެ ގައުމުތަކުގެ އާބާދީގެ ނިސްބަތަށް ބަލާއިރު، ރާއްޖެއަކީ މުޅި މި ދުނިޔޭގައި ވެސް ވަރި އެންމެ ގިނަ އެއް ގައުމެވެ.