Advertisement
ކ. މާލެ
|
23 ޖެނުއަރީ 2020 | ބުރާސްފަތި 09:00
ރޭޕްކުރުމާއި ދެކޮޅަށް މާލެގައި ކުރިއަށްގެންދިޔަ މުޒާހަރާގެ ތެރެއިން
ރޭޕްކުރުމާއި ދެކޮޅަށް މާލެގައި ކުރިއަށްގެންދިޔަ މުޒާހަރާގެ ތެރެއިން
ޔޫސުފް ސޮފްވާން ރަޝީދު
ރޭޕްގެ މައްސަލަ
މާލޭގައި 14 އަހަރުގެ ކުއްޖެއް ރޭޕްކުރި މައްސަލާއެއްގައި ސިފައިންގެ މީހަކު ހައްޔަރުކޮށްފި
ހައްޔަރުކުރީ 36 އަހަރުގެ ފިރިހެނެއް
އެއީ ސިފައިންގެ މީހެއް ކަމަށް މައުލޫމާތު ލިބޭ
މިމައްސަލަ ފުލުހުން ދަނީ އިތުރަށް ތަހުގީގު ކުރަމުން

މާލޭގައި އުމުރުން 14 އަހަރުގެ އަންހެން ކުއްޖެއް ރޭޕް ކުރި މައްސަލާއެއްގައި ސިފައިންގެ މީހަކު ހައްޔަރުކޮށްފިއެވެ.

މީޑިއާތަކަށް މައުލޫމާތުދެއްވަމުން ފުލުހުންގެ ތަރުޖަމާން، ޗީފް އިންސްޕެކްޓާ އޮފް ޕޮލިސް އިޒްމިއާ ޒާހިރު ވިދާޅުވީ، 14 އަހަރުގެ އަންހެން ކުއްޖަކަށް ޖިންސީ ގޯނާ ކުރުމާއި، ބްލެކް މެއިލް ކުރުމާއި އަދި ރޭޕް ކުރުމުގެ ތުހުމަތުގައި ބުދަ ދުވަހު 36 އަހަރުގެ ދިވެހި ފިރިހެނެއް ހައްޔަރުކޮށްފައިވާ ކަމަށެވެ. އަދި އޭނާ ހައްޔަރުކުރީ ބުދަ ދުވަހުގެ 18:30 ހާއިރު ކަމަށް އިޒްމިއާ ވިދާޅުވި އެވެ. ނަމަވެސް އެއީ ސިފައިންގެ މީހެއްކަމެއް ނުވަތަ ނޫންކަމަށް އިޒްމިއާ ވިދާޅެއްނުވެ އެވެ.

އެނގިފައިވާގޮތުގައި ހައްޔަރުކުރި 36 އަހަރުގެ ފިރިހެން މީހާއަކީ ސިފައިންގެ މީހެކެވެ.

Advertisement

އެ މައްސަލާގައި ސުވާލުކުރުމުން އެމްއެންޑީއެފްގެ ތަރުޖަމާން މޭޖަރ އިބްރާހިމް އާޒިމް ވިދާޅުވީ ސިފައިންގެ މީހަކު ހައްޔަރުކޮށްފައިވާކަމުގެ މައުލޫމާތު ފުލުހުންގެ އިދާރާއިން ރަސްމީކޮށް، އެ އިދާރާއަށް ހުށަހަޅާފައިވާކަމަށެވެ. ނަމަވެސް އެ ސިފައިންގެ މީހާ ހައްޔަރުކުރީ ރޭޕްގެ މައްސަލައެއްގައިކަމެއް އާޒިމްވެސް ހަމައެއް ނުކުރައްވާ އެވެ.

އުމުރުން 14 އަހަރުގެ އަންހެން ކުއްޖެއް ރޭޕް ކުރި މައްސަލާއެއްގައި 36 އަހަރުގެ ފިރިހެނަކު ހައްޔަރުކޮށްފައިވާއިރު، އުމުރުން ތިން އަހަރު ކުއްޖަަކަށް ޖިންސީ ގޯނާ ކުރި މައްސަލައެއްގައި 76 އަހަރުގެ ފިރިހެނަކު ވެސް ބުދަ ދުވަހު ވަނީ ހައްޔަރުކޮށްފައެވެ. މީގެ އިތުރުން ގއ. ކަނޑުހުޅުދޫގައި ދެ އަހަރުނުވާ ތުއްތުކުއްޖަކަށް ޖިންސީ ގޯނާ ކުރި މައްސަލައާއި ގުޅިގެން އެކުއްޖާގެ ބައްޕަ، ކާފަ، އަދި މުނިކާފަ ވަނީ ހައްޔަރުކޮށްފައެވެ. ކަނޑުހުޅުދޫގައި ހިނގި މިހާދިސާއާ ގުޅިގެން ގިނަ ރޭޕް ކޭސްތަކެއްގެ މައްސަލަތައް އަންނަނީ ފެންމަތިވަމުންނެވެ.

Advertisement

Advertisement
އެންމެ ފަހުން އަޕްޑޭޓް ކުރީ: 3 ދުވަަސް ކުރިން
ރިވިއު ކުރީ: އަބުދުﷲ ނަސީރު އިބްރާހިމް
- ކޮމެންޓް
23 ޖެނުއަރީ 2020 | ބުރާސްފަތި 09:50
އަހްމަދު
ރޭޕް ކުރާ މީހުނަށް މާފު ދީގެންނުވާނެ