އީރާންގެ އެންމެ ވަރުގަދަ ލަޝްކަރު އިސްލާމިކް ރިވޮލިއުޝަނަރީ ގާޑް ކޯޕް (އައިއާރުޖީސީ)ގެ ގުދުސް ފޯސްގެ ވެރިޔާ އަދި އެ ގައުމުގެ ސަލާމަތީ ބާރުތަކުގެ އިސްވެރިޔާ ގާސިމް ސުލައިމާނީ އަވަހާރަކޮށްލުމާއި ގުޅިގެން އެގައުމުގެ ރައްޔިތުން އުފާފާޅުކުރަން ފަށައިފިއެވެ.
ސުލައިމާނީގެ މަރާއި ގުޅިގެން އެ ގައުމުގެ ރައްޔިތުން އުފާ ފާޅު ކުރަމުންދާ ކަމަށް ބެލެވޭ ވީޑިއޯއެއް އެމެރިކާގެ ސެކެޓްރީ އޮފް ސްޓޭޓް މައިކް ޕޮމްޕެއޯ ވަނީ އޭނާގެ ޓްވިޓަރ ޕޭޖުގައި އާއްމުކޮށްފައެެވެ.
ޕޮމްޕިއޯގެ ޓުވީޓުގައި ވަނީ އިރާގުގެ ރައްޔިތުން މަގުތަކުގައި އުފާފާޅުކޮށް، ނަށަމުން ދަނީ މިނިވަން ކަމަށްޓަކައި ކަމަށާއި ޖެނެރަލް ސުލައިމާނީގެ މަރަކީ އުފާވާ ކަމެއް ކަމަށެވެ.
އަލްޖަޒީރާގައި ރިޕޯޓުކޮށްފައިވާ ގޮތުން ސުލައިމާނީ އަވާހާރަކޮށްލައިފައިވަނީ އިރާގުގެ ބަޣުދާދުގެ މައި އެއާޕޯޓުގައި ކުރި އެމެރިކާއިން ކުރި ރެއިޑެއްގެ ތެރެއިންނެވެ. ވައިޓްހައުސްއާއި ޕެންޓަގަން އާއި ހަވާލާދީ އަލްޖަޒީރާގައި ބުނެފައިވަނީ ސުލައިމާނީ އަވަހާރަކޮށްލާފައިވަނީ އެމެރިކާގެ ރައީސް ޑޮނާލްޑް ޓްރަމްޕްގެ އަމުރުގެ ދަށުން، އިރާނުން އެމެރިކާއަށް ދީފާނެ ހަމަލާތަކުން ރައްކާތެރިވުމުގެ ބޭނުމުގައެވެ.
