ވ. ފެލިދޫގައި ފަތުރުވެރިޔަކު އޮޔާ ދަނިކޮށް ސަލާމަތްކޮށްފި އެވެ.

ފުލުހުން ބުނީ ބުދަ ދުވަހުގެ 11:40 ހާއިރު ފެލިދޫގައި އިޓަލީ ފަތުރުވެރިއަކު ރޮމުން ޕޮލިސް ސްޓޭޝަނަށް އައިސް އޭނާގެ ފިރިމީހާ އޮޔާދާ ކަމަށް ބުނެ ރިޕޯޓުކޮށްފައިވާ ކަމަށެވެ.

ފުލުހުން ބުނީ، އެރިޕޯޓު ލިބުމާއެކު ފެލިދޫ ޕޮލިސް އިން މޫދަށް އެރި އޮޔާދާ ފަތުރުވެރިއާ ސަލާމަތްކޮށް އެއްގަމާ ހަމައަށް ގެނެސްދީފައިވާ ކަމަށެވެ. އަދި އޭނާގެ ޙާލު ރަނގަޅު ކަމަށް ވެސް ފުލުހުން ބުނެއެވެ.

ވ. އަތޮޅުގައި މީހުން ދިރިއުޅޭ ރަށްތަކުގައި ގެސްޓް ހައުސް ވިޔަފާރި ފުޅާދާއިރާއެއްގައި ހިންގަމުންދާއިރު، މިދުވަސް ވަރަކީ ރާއްޖެއަށް އެންމެ ގިނަ ފަތުރުވެރިން ޒިޔާރާތްކުރާ ދުވަސް ވަރެވެ.