މާރާމާރީ ހިންގުމަށްފަހު މީހެއްގެ އަތުން 43 ހާހަށްވުރެގިނަ ރުފިޔާ އާއި ފޯނެއް ފޭރިގަތް މައްސަލަ ބަލަމުން އަންނަ ކަމަށް ފުލުހުން ބުނެފިއެވެ.

ފުލުހުން ބުނީ މާލޭގެ އަމީރު އަހުމަދު މަގު, މަޖީދިއްޔާ ސްކޫލް ކައިރިން މީހަކަށް ހަމަލާދީ ވައްޓާލާ އޭނާގެ އަތުގައި ހުރި 2،800 ޔޫއެސް ޑޮލަރާއި ފޯނެއް ފޭރިގަތް މައްސަލަ އަންގާރަ ދުވަހުގެ މެންދުރު ފުލުހުންނަށް ހުށަހަޅާފައިވާ ކަމަށެވެ.

މިމައްސަލާގައި މިހާތަނަށް އާއިރު އެއްވެސް މީހަކު ހައްޔަރު ކޮށްފައިނުވާކަމަށް ފުލުހުން ބުނެއެވެ. އަދި މިމައްސަލަ އިތުރަށް ތަހުގީގުކުރަމުންދާ ކަމަށްވެސް ފުލުހުން ބުނެއެވެ.