ޑިސެމްބަރު އެއްވަނަ ދުވަހު މީޑިއާނެޓްގެ ހިދުމަތަށް ބުރޫއަރާނެ ކަމަށް މީޑިއާނެޓުން ބުނެފިއެވެ.

މީޑިއާނެޓުން ނެރުނު ބަޔާނެއްގައި ބުނެފައިވަނީ ޑިސެމްބަރު އެއްވަނަ ދުވަހު މެއިންޓެއިނެންސް މަސައްކަތަށް ކުރިއަށްގެންދާނެތީ، އެ ދުވަހުގެ މެންދަމު 02:00 އަކުން ހެނދުނު 07:00 އަކަށް ހިދުމަތަށް ބުރޫއަރާނެ ކަމަށެވެ. އަދި މެއިންޓެއިނެންސް މަސައްކަތް ކުރިއަށްގެންދަނީ މީޑިއާނެޓުން ފޯރުކޮށްދޭ ހިދުމަތުގެ ފެންވަރު ރަނގަޅު ކުރުމަށް ކަމަށް މީޑިއާނެޓުން ބުންޏެވެ.

މީގެ އިތުރުން މީޑިއާނެޓުން ބުނީ ކަނޑައެޅިފައިވާ ގަޑީގެ ކުރިން މަސައްކަތް ނިންމުމަށް މަސައްކަތް ކުރަމުންދާނެ ކަމަށާާއި ހުރިހާ ކަސްޓަމަރުންގެ ފަރާތުން ލިބެމުންދާ އެއްބާރުލުމަށް ޝުކުރު އަދާކުރާ ކަަމަށެވެ.