މަސް ހިފަން ދިޔަ އުމުރުން 72 އަހަރުގެ ފިރިހެނެއް ގެއްލިގެން ހޯދަން ފަށައިފިއެވެ.
ފުލުހުން ބުނީ އަންގާރަ ދުވަހުގެ މެންދުރު 13:00 ގައި ގދ. މަޑަވެލިން މަސް ހިފަން ދިޔަ އުމުރުން 72 އަހަރުގެ މީހެއް ގެއްލިގެން އުޅޭ ކަމަށް ފުލުހަށް ރިޕޯޓްކޮށްފައިވާ ކަމަށެވެ.
ފުލުހުން އިތުރަށް ބުނީ، އެމީހާ ހޯދުމުގެ މަސައްކަތް މިހާރު ކުރަމުން އަންނަ ކަމަށެވެ. އެމީހާ ފެނުނު ކަމެއް އަދި ޔަގީން ވެފައެއްނުވެއެވެ.
އެ ފިރިހެން މީހާ މަސް ހިފަން ދިޔައީ އެކަނި ދަލެއް ހިފައިގެން އެރަށުގެ ފަރު މައްޗަށް ކަމަށް މައުލޫމާތު ލިބިފައިވާ ކަމަށް ވެސް ފުލުހުން ބުންޏެވެ.
