އަރަބި ދުނިޔޭގައި އެންމެ ގިނަ ހޯޓާތައް އަޅާފައިވާ ޤައުމަކަށް މައްކާ ވެއްޖެއެވެ.
ކުރިން މި ރެކޯޑް އޮންނަނީ ދުބާއީގައި ނަމަވެސް ގާތްގަނޑަކަށް 1100 އެއްހާ ހޮޓަލާއެކު މައްކާ ވެފައިމިވަނީ އަރަބި ދުނިޔޭގައި މި ވިޔަފާރި އެންމެ ފުޅާކޮށް ކުރާ އެއް ޤައުމަށް ވެފައެވެ.
ސައުދީ ގެޒެޓް ރިޕޯރޓްގައި ވާގޮތުން ކޮންމެ އަހަރަކުވެސް މައްކާގެ ހޮޓާތަކުން އެތައް މިލިއަން މީހުން ޚިދުމަތް ލިބިގަންނައިރު، އޭގެ ތެރެއިން ގިނަ ހޮޓާތައް އަޅާފައި ހުރީ މައްކާގެ މަސްޖިދުއް ޙަރަމް (ކައުބަތުﷲ ގެފުޅު) ހުރި ސަރަހައްދުގައެވެ.
މައްކާގެ ޗެމްބަރ އޮފް ކޮމާރސް އެންޑް އިންޑަސްޓްރީ (އެމް.ސީ.ސީ.އައި) ގެ ޗެއަރމަން ހިޝާމް ކާކީ ވިދާޅުވީ، މައްކާގެ ހޮޓާތަކުން އަހަރެއްގެ މައްޗަށް 10 މިލިއަނަށްވުރެ ގިނަ މީހުން ޚިދުމަތް ލިބިގަންނަ ކަމަށެވެ.
އޭގެ އިތުރުން، ހޮޓާތަކަށް ބޭނުންވާ ފަރުނީޗަރާއި ސާމާނުތައް އެހެނިހެން ޤައުމުތަކުން އިމްޕޯރޓް ކުރުމުގެ ބަދަލުގައި މައްކާއިން އެ ޚިދުމަތް ފޯރުކޮށްދޭ ފަރާތްތަކުގެ އެހީތެރިކަން ލިބިގަންނަ ކަމަށާއި، އެކަމުގެ ސަބަބުން ހޮޓާ ހިންގާ ފަރާތްތަކަށްވެސް އިތުރު ފަސޭހަތަކެއް ލިބިގެންދާކަމަށްވެސް އެމްސީސީއައި އިން މައުލޫމާތު ދެއެވެ.
