އދ މަންދޫގައި 83 އަހަރުގެ ފިރިހެނަކު ގެއްލިގެން ހޯދަން ފަށައިފިއެވެ.
ފުލުހުންގެ އިދާރާއިން ބުނީ ގެއްލިގެން ހޯދަނީ މަންދޫ މީހެއްކަމަށެވެ. އުމުރުން 83 އަހަރުގެ މި ފިރިހެން މީހާ އިޝާ ނަމާދަށް ފަހު ވީނުވީއެއް ނޭގިގެން، އެކަމުގެ މައުލޫމާތު ބުދަ ދުވަހުގެރޭ 21:35 ހާއިރު ފުލުހުންނަށް ހުށައަޅާފައިވާ ކަމަށް ފުލުހުން ބުނެއެވެ. ފުލުހުންގެ ޓީމަކުން މިހާރު އެރަށަށް ގޮސް އޭނާ ހޯދުމުގެ މަސައްކަތް ކުރަމުންދާކަމަށްވެސް ފުލުހުން ބުނެއެވެ.
ގެއްލިގެން ހޯދާ މީހާ އެންމެ ފަހުން ފެނުނުއިރު ލައިގެން ހުރީ މުންޑެއް އެކަނި ކަމަށްވެސް ފުލުހުން ބުނެފައިވެއެވެ.
ފުލުހުންގެ ޓީމް އަދިވެސް ދަނީ އޭނާ ހޯދުމަށްޓަކައި އެރަށުގައި ހަރަކާތްތެރިވަމުންނެވެ.
