އެމްޓީސީސީ ފެރީއެއްގައި އަލިފާނުގެ ހާދިސާއެއް ހިނގައި އެމްއެންޑީއެފުން ހަރަކާތްތެރުވެއްޖެއެވެ.

މިކަމާއި ގުޅިގެން މީޑިއާތަކަށް މައުލޫމާތު ދެއްވަމުން އެމްއެންޑީއެފުން ބުނެފައިވަނީ، އެމްޓީސީސީ "ޔުނިޔާ" ނަމަކަށް ކިޔާ ފެރީއެއްގެ ޖެނެރޭޓަރ ރޫމްގައި އަލިފާން ރޯވިކަމުގެ ރިޕޯޓު އެމްއެންޑީއެފް ނޮދަން އޭރިއާއަށް ލިބިފައިވަނީ ހޯމަ ދުވަހުގެ މެންދުރު 13:20 ހާއިރު ކަމަށާއި ހާދިސާގައި އެއްވެސް މީހަކަށް އަނިޔާއެއް ލިބިފައި ނުވާކަމަށެވެ. ހާދިސާގެ މައުލޫމާތު ލިބުނު ގޮތަށް ކުޅުދުއްފުށީ ފަޔަރ ސްޓޭޝަން އިން ވަނީ ފެރީ ބަނދަރުކޮށްފައި އޮތް ސަރަހައްދުގައި ހަރަކާތްތެރިވެ، ރޯވި އަލިފާންގަނޑު ނިއްވާލާފައެވެ.

އެ މައްސަލަ ކަމާބެހޭ އިދާރާތަކުން ދަނީ އިތުރަށް ތަހުގީގުކުރަމުންނެވެ.