އިރާނުގެ ތާއީދު އޮންނަ ލެބަނާންގެ ހަޒްބުއްލާ ޖަމާއަތުގެ ކުރީގެ އޮފިޝަލަކު މަރުވެފައި އޮށްވާ ފެނިއްޖެއެވެ.
އަލީ ހަތޮމް ނަމަކަށް ކިޔާ މި މީހާ މަރުވެފައި އޮށްވާ ފެނުނީ، އާދިއްތަ ދުވަހު، ބެރޫޓް ގައި ހުންނަ އޭނާގެ ފްލެޓްގައެވެ.
ކަމާބެހޭފަރާތްތަކުން ވަގުތުން މައްސަލަ ތަހްގީގު ކުރުމަށް ހުޅުވާލި ކަމަށް ލެބަނާންގެ ނޭޝަނަލް ނިއުސް އެޖެންސީ އިން ބުންޏެވެ. އަދި މަރުގެ އަސްލު ދެނެގަތުމައްޓަކައި ފޮރިންސިކް ޑޮކްޓަރުން އަންނާނެެ ކަމުގެ މައުލޫމާތިވެސް އެ އެޖެންސީ އިން ދިނެވެ.
ހަޒްބުއްލާގެ އޮފިޝިލަކު ވަނީ އަލީ ހަތޮމް އަކީ އެ ޖަމާއަތުގެ ކުރީގެ އޮފިޝަލެއް ކަން ކަށަވަރު ކޮށްދީފައެވެ. މަރުގެ ތަހުގީގެއް ކުރަމުން ގެންދާ ކަމަށާއި އެހެން ނަމަވެސް މިއީ ގައުމުގެ ސަލާމަތައް އޮތް ނުރައްކަލެއް ކަމަށް ނުދެކޭކަމަށްވެސް އޭނާއާ ހަވާލާދީ ނޫސް އެޖެންސީ އިން ވަނީ ބުނެފައެވެ. ނަމަވެސް މަރުވެފައިވާ އަލީ ހަތޮމް އާއި ބެހޭގޮތުން އަދި ހަޒްބުއްލާގައި އޭނާ އަދާކޮށްފައިވަނީ ކޮން ޕްޒިޝަނެއް ކަމެއް ނޫސްއެޖެންސީން ހިއްސާއެއް ނުކުރެއެވެ.
މިދިޔަ އާދިއްތަ ދުވަހު ހަޒްބުއްލާ އާއި އިސްރާއިލާ ދެމެދު ވަނީ ލެބަނާން އާއި އިސްރާއިލުގެ ބޯޑަރު މަތިން ހަމަލާ ބަދަލުކޮށްފައެވެ.
