ނިކަމެތި ރައްޔިތުންނަށް އިޖްތިމާއީ ހިދުމަތެއްގެ ގޮތުގައި ހިލޭ ގާނޫނީ ވަކީލުކަން ކޮށްދޭންޖެހޭ ގޮތަށް ގާނޫނީ ހިދުމަތުގެ ބިލަށް ކެނދިކުޅުދޫ ދާއިރާގެ މެމްބަރު އަހްމަދު އީސާ އިސްލާހެއް ހުށަހަޅުއްވައިފިއެވެ.
އަންގާރަދުވަހު އޮތް ރައްޔިތުންގެ މަޖިލީހުގެ ޖަލްސާގައި ގާނޫނީ ފަންނުވެރިންގެ ބިލްގެ ބަހުސް މަރްހަލާގައި ވާހަކަދައްކަވަމުން އީސަ ވިދާޅުވީ ވަކީލަކު އައްޔަންނުކުރެވޭ، ނިކަމެތި ރައްޔިތު މީހާއަށް ގާނޫނީ ވަކީލުކަން ހިލޭ ކޮށްދޭ ގޮތަށް، ގާނޫނީ ފަންނުވެރިކަމުގެ ބިލް ކޮމިޓީ މަރްހަލާގައި ދިރާސާކުރަމުން އަންނައިރު ބިލްގައި ހިމެނުމަށް ހުށަހަޅުއްވާ ކަމަށެވެ.
މި ކަން ބިލްގައި ހިމަނާއިރު، އިޖްތިމާއީ ހިދުމަތެއްގެ ގޮތުގައި އަހަރަކު ނުވަތަ މަހަކު ވަކި ވަގުތެއް ހިމެނިދާނެ ކަމަށް އީސަ ވިދާޅުވިއެވެ. އީސަ ވިދާޅުވީ އެކި މައްސަލަތަކުގައި ގާނޫނީ ވަކީލުން އައްޔަންކުރަން ބޭނުންވެ، މާލީ ހާލަތު ހުރި ގޮތުން ވަކީލުން އައްޔަން ނުކުރެވޭ އެތައް ފަރާތެއް އެބަ ތިބި ކަމަށެވެ.
ގާނޫނީ ފަންނުވެރިކަމުގެ ބިލް މިހާރު އޮތް ގޮތުން، ދިވެހި ދައުލަތުން ބޮޑު ޚަރަދުކުރަންޖެހޭ ގޮތަށް ބިލް އެކުލެވިފައިވާއިރު، މި ފަދަ ގޮތަކަށް ބިލް ބައްޓަން ކުރެވިގެން ދިއުމަކީ ބޭނުންތެރި ކަމެއް ކަމަށް ދެކިވަޑައިގަންނަވާ ކަމަށެވެ.
"ރައްޔިތުންގެ ފާއިސާ ހަރަދުކުރެވޭ ކޮންމެ ދިމާލަކުން އެންމެ އާދައިގެ ރައްޔިތު މީހާ އަށް ވެސް އެ ހައްގު، އެ ފަސޭހަ ލިބުމުގެ ފުރުސަތު އަޅުގަނޑުމެން ޖެހޭނެ ހޯދައިދޭން. އެހެން ނޫން ނަމަ ވާނެ ގޮތަކީ ރައްޔިތުންގެ ޓެކްސް ފާއިސާ އެ ޚަރަދު ކުރެވެނީ އެންމެ އިންސާފުވެރި ގޮތުގައި ކަމަށް އަޅުގަނޑުމެންނަށް ބުނުމުގެ ފުރުސަތު ނޯންނާނެ،"މެންބަރު އީސަ
