ޣައިރު ޤާނޫނީ އަމުރުތަކަށް ތަބާވި ބަޔަކާއެކު ކަންކަން އިސްލާހްނުކުރެވޭނެކަމަށް ޤާނޫނީ ވަކީލް އަދި ކެންދޫ ދާއިރާގެ މެމްބަރު އަލީ ހުސެއިން ވިދާޅުވެއްޖެ އެވެ.
އަލީ ހުސެއިން ކުރެއްވި ޓުވީޓެއްގައި ވިދާޅުވީ ޣައިރު ޤާނޫނީ އަމުރުތަކަށް ތަބާވެ، ރައްޔިތުންނަށް އަނިޔާކުރަން ދަސްވެފައި ތިބި ބަޔަކާއި، ވިދާޅުވީމަ ވިދާޅުުވިގޮތަކަށް ދައުވާކޮށްކޮށް ތިބި ބަޔަކާއެކު އިސްލާހެއް ނުކުރެވޭނެކަމަށެވެ، އަދި ނީލަމުގެ އުސޫލުން ނުވަތަ ގަންނަ ބިރުން ތަތްގަނޑު ޖަހައި، ސޮއިކުރަން އާދެވެފައިތިބި ބަޔަކާއެކުވެސް އިސްލާހްނުކުރެވޭނެކަމަށް އަލީ ހުސެއިން ވިދާޅުވެފައިވެއެވެ.
އަލީ ހުސެއިންްގެ ޓުވީޓްގައި އިޝާރަތްކުރައްވާފައިވަނީ ސަލާމަތީ ހިދުމަތްތަކާއި، ޕީޖީ އަދި ފަނޑިޔާރު ގޭގެ ވާހަކަކަމަށް ބެލެވެ އެވެ.
އެންމެފަހުން ބޭއްވި ރައްޔިތުންގެ މަޖިލީހުގެ ޖަލްސާގައި ވާހަކަދައްކަވަމުން އަލީ ހުސެއިން ވިދާޅުވީ މަޖިލީހުން އެންމެ އިސްކަމެއްދީގެންކުރަންޖެހޭ މަސައްކަތަކީ ފަނޑިޔާރުގެ އިސްލާހްކުރުމުގެ މަސައްކަތްކަމަށެވެ. އަދި ފަނޑިޔާރުގެ އެކީއެކުގައިި އިސްލާހްކުރުމަކީ 19 ވަނަ މަޖިލީހުން ކުރަންޖެހޭ އެންމެ މުހިންމު މަސައްކަތްކަމަށް އަލީ ހުސެއިން ވިދާޅުވި އެވެ.
އަޅުގަނޑުމެން ފަށަންވީ މަސައްކަތަކީ ދިވެހިރާއްޖޭގެ އަދުލު އިންސާފުގެ ނިޒާމް ހަރުދަނާކުރުމުގެ މަސައްކަތްއަލީ ހުސެއިން / ކެންދޫ ދާއިރާގެ މެމްބަރު
