މަގުމަތީގެ ސަލާމަތާއި ރައްކާތެރިކަމަށް ހޭލުންތެރި ކުރުވުމުގެ ގޮތުން "ރޯޑް ސޭފްޓީ ކެމްޕެއިން "އަންނަ މަހު 2 ގައި ފަށަން ހަމަޖެހިއްޖެއެވެ.

ޔޫތު މިނިސްޓްރީ އިން އިސްނަގައިގެން ޓްރާންސްޕޯޓް މިނިސްޓްރީއާއި ފުލުހުންނާއި ގުޅިގެން ބޭއްވި ނޫސްވެރިންގެ ބައްދަލުވުމުގައި ޔޫތު މިނިސްޓަރ އަހުމަދު މަހުލޫފު ވިދާޅުވީ

ސޯޝަލް ކައުންސިލުން އިސްނަގައިގެން ނައިބު ރައީސް ފައިސަލް ނަސީމްގެ އެދިވަޑައިގަތުމަށް ބާއްވާ ރޯޑް ސޭފްޓީ ކެމްޕެއިން ބާއްވާނީ އަންނަ މަހުގެ ދެވަނަ ދުވަހުގެ 4:30 އިން 5:45 އަށް ކަމަށެވެ.

ޓްރާންސް ޕޯޓް މިނިސްޓަރ އައިޝަތު ނަހުލާ ވިދާޅުވީ މިދިޔަ ދުވަސްތަކުގައި ހިތާމަވެރި ހާދިސާތައް ހިނގާފައިވާކަމަށާއި ހޭލުންތެރިކުރުވުމާއި މައުލޫމާތު ދިނުން އެއީ އަބަދުވެސް ހަނދާން ކޮށްދޭން ޖެހޭ ކަމެއް ކަމަށެވެ. އެކަންތައްތައް ހުއްޓުވުމަށްޓަކައި ކުރިއަށް އޮތްތަނުގައި ވެސް ޔޫތު މިނިސްޓްރީއާއި ގުޅިގެން އެކަހަލަ ހަރަތާތްތައް ކުރިއަށް ގެންދިއުމަށް ހަމަޖެހިފައިވާކަމަށެވެ.

މި ބައްދަލުވުމުގައި ފުލުހުންގެ ހެޑް އޮފްޓްރެފިކްޑިޕާޓްމަންޓް، ސްޕްރިންޓެންޑެންޓް އޮފް ޕޮލިސްހުސައިން ސަމީރު ވިދާޅުވީރޯޑް ސޭފްޓީ ކެންޕެއިނުގައި މިހާރު ދިމާވާ ކަންތައްތަކުގެ ތެރެއިން ފަސް ކަމެއްގެ ގޮތުގައި އަލިއަޅުވާލާނެކަމަށެވެ. އެގޮތުން ދުއްވާ ސްޕީޑަށާއި ކުޑަކުދިން ގޮވައިގެން ދުއްވާ ދުއްވުން ރައްކާތެރި ގޮތެއްގައި ހެދުމަށާއި މަގު ހުރަސްކުރާއިރު ރައްކާތެރިކަމަށާއި ދުވާރު މައްޗަކީ މަގުގައި ހިނގާތަނެއްގެ ގޮތުގައި ރައްުކާތެރި ތަނެއްގެ ގޮތުގައި ހެދުމަށް ކަމަށެވެ.

ވިހި މުއައްސަސާއަކުން ބައިވެރިވާ މި ޕްރޮގްރާމުގައި އެގާރަ ސަރަހައްދެއްގައި މި ޕްރޮގްރާމް ހިންގުމަށް ވަނީ ހަމަޖެހިފައެވެ. އެއީ މާލޭގެ ނުވަ ސަރަހައްދަކާއި ހުޅުމާލޭ ދެ ސަރަހައްދެއްގައެވެ.