ރައްޔިތުން މަޖިލީހުގެ ނައިބު ރައީސްގެ މަގާމަށް ގަލޮޅު އުތުރު ދާއިރާގެ މެމްބަރު އީވާ އަބްދުﷲ ވަނީ އިންތިޚާބު ކޮށްފިއެވެ.
އީވާ މަޖިލިސްގެ ނައިބް ރައީސް ކަމަށް އިންތިޚާބު ކުރަން ފެންނަ ކަމަށް ވޯޓު ދެއްވީ 76 މެންބަރުންނެވެ.
މަޖިލީހުގެ ނައިބު ރައީސް ކަމަށް އީވާގެ ނަން ހުށަހެޅުއްވީ ހިތަދޫ އުތުރު ދާއިރާގެ މެމްބަރު މުހައްމަދު އަސްލަމްއެވެ. އަދި ތާއީދު ކުރެއްވީ މެދު ހެންވޭރު ދާއިރާގެ މެމްބަރު އަލީ އާޒިމްއެވެ.
Advertisement
މަޖިލީހުގެ ނައިބް ރައީސްއަށް އިތުރު މެމްބަރެއްގެ ނަންފުޅެއް ހުށަހަޅުއްވާފައެއް ނުވެއެވެ.
އީވާ ވަނީ މަޖިލިސްގައި ދެ ދައުރު ފުރިހަމަ ކޮށްފައެވެ. އަދި އީވާއަކީ މަޖިލީހުގެ ނައިބު ރައީސް ކަމަށް އިންތިހާބު ކުރެވުނު 2 ވަނަ އަންހެން ކަމަނާއެވެ.
