ޗީފް އޮފް ޑިފެންސް ފޯސް އަބްދުﷲ ޝަމާލް އެމެރިކާ އަށް ކުރެއްވި ދަތުރުފުޅު ނިންމަވާލެއްވުމަށް ފަހު ހޯމަ ދުވަހު އެނބުރި މާލެ ވަޑައިގެންފިއެވެ.
ޝަމާލް އެމެރިކާއަށް ފުރާވަޑައިގަތީ މެއި މަހުގެ 19 ވަނަ ދުވަހު ލެންފެކް ސިމްޕޯސިއަމް އެންޑް އެގްޒެބިޝަން 2019 ގައި ބައިވެރިވެ ވަޑައިގަތުމަށެވެ.
Advertisement
އިންޑިއަން ޕެސިފިކް އޯޝަންގެ ގައުމުތަކުގެ އަސްކަރިއްޔާތަކުގެ ގުޅުން ބަދަހި ކުރުމަށް ބޭއްވި މި ސިމްޕޯޒިއަމް ކުރިއަށް ގެންގޮސްފައިވަނީ މި މަހުގެ 21 ވަނަ ދުވަހުން ފެށިގެން 23 ވަނަ ދުވަހުގެ ނިޔަލަށް އެމެރިކާގެ ހަވާއީގައެވެ.
މި ދަތުރުފުޅުގައި ޗީފް އޮފް ޑިފެންސް ފޯސްގެ އަރިއަހުގައި ސާޖަންޓް މޭޖަރ ހަސަން ފަޔާޒް ވަނީ ބައިވެރިވެވަޑައިގެންފައެވެ.
