ފ. ނިލަންދޫގެ ކަރަންޓާއި ނަރުދަމާގެ ނިޒާމް ފެނަކަ ކޯޕަރޭޝަނާއި ހަވާލުކޮށްފިއެވެ.
އެ ޚިދުމަތް ފެނަކައާ ހަވާލު ކޮށްފައި ވަނީ ބުދަ ދުވަހު ބޭއްވި ރަސްމިއްޔާތެއްގައެވެ.
ރާއްޖެއެމްވީއަށް މައުލޫމާތު ދެމުން ފެނައިކައިގެ ޑެޕިއުޓީ މެނޭޖިން ޑައިރެކްޓަރ އިބްރާހިމް ވަހީދު ވިދާޅުވީ މިހަރު ހުރީ ތިން ޖަނަރޭޓަރު ކަމަށާއި ޖަނަރޭޓަރުތައް ހުރީ އަލުން މަރާމަތު ކުރެވޭ ހާލަތަށްވުރެ ވެސް ދަށްކޮށް ކަމަށެވެ.
އެހެންކަމުން އާދިއްތަ ދުވަހު ވަނީ ނިލަންދޫއަށް އެއް މެގަވޮޓްގެ ޖަނަރޭޓަރެއް ގެންދެވިފައި ކަމަށެވެ.
މީގެ ކުރިން ރަށަށް ކަރަންޓްގެ ޚިދުމަތް ދެމުން ދިޔައީ ރަށުގެ ރައްޔިތުން ކަމަށް ވުމާ އެކު ކަރަންޓްގެ އަގު ހުރީ މަތިކޮށް ކަމަށާއި ނަމަވެސް ފެނާއި ނަރުދަމާގެ ޚިދުމަތް ފެނަކައިން ދޭން ފެށުމުން ކަރަންޓްގެ އަގުހެޔޮ ވެގެންދާނެ ކަމަށް ވަހީދު ވިދާޅުވިއެވެ.
މީގެ އިތުރުން ނިލަންދޫގެ ނަރުދަމާ އާއި ކަރަންޓްގެ ޚިދުމަތް އިތުރަށް ވަރުގަދަ ވެގެން ދާނެ ކަމަށް ވަހީދު ވިދާޅުވިއެވެ.
